Sunday, May 3, 2009

حلم امرأة


عندما قرأت كلماتها الرقيقة اثارت بداخلي الكثير من المشاعر وودت لو كتبت فى صفحة تعليقها الكثير والكثير لكنني أحسست أن تلك الكلمات مكانها هنا فى مدونة انها انا لانها كلمات تخصنا جميعا
كتبت تقول فى قصتها

(أمنت منذ نعومة أظافرها بأن جمال الأنثى فى عقلها وذكائها وتفكيرها ولم تكن جميلة بقدر ما يكفى لتتخلى عن هذا المنطق) منقول من مدونة درما لخلود صلاح
واثارت بداخلي تساؤلات كثيرة حول ماهية الاشياء التى قد تجعل من أى أنثى سعيدة وهل تكمن حقا بعض السعادة فى كونها جميلة بعض الشئ ؟ او انها ذكية ؟ او انها ناجحة فى عملها ؟او كونها فتاه محبوبة من الجميع ؟او كونها حققت طموح كانت تبغاه طريقا لها؟
فكم من امراة جميلة تعانى وحدة او قسوة مجتمع يحملها مسئولية انحراف كل شاب او مضايقات لاتنتهى, وكم من امرأة ناجحة فى عملها وتعانى ايضا وحدة وقسوة مجتمع ينظر اليها على انها فتاة ذات طابع خاص فتقيم حسب طبيعة عملها ونجاحها, وكم من امراه طموحة وجدت نفسها وحيدة بعد صراع مع الايام لتحقيق ذاتها, وكم من امرأه ذكية ظنت انه بذكائها تستطيع ان تملك زمام امورها فأتت الاقدار عكس ما خططت فانهارت احلامها, وكم من امرأه محبوبة من الجميع لكنها تفتقد لوجود رجلا من اجلها وحدها بجانبها
لا اعلم لماذا حين سرحت كثيرا فى امور الكثير منا كفتيات اختلفنا في البيئة والدراسة والعمل وتفاوتت بيننا الاعمار الا اننى حين فكرت لم اجد ان هناك ما قد يجعل المراة سعيده حقا مستقرة امنة سوى وجود زوج يفهمها بعمق يقرأ ما في عيناها من حوار يسمعها فى صمتها يمنحها دفئا وحنانا فلا تحتاج لأحد غيره فيكون وحده هو كل دنيتها قادر أن يحتوى كل أحزانها وحده لديه القدره ان يهدئ من حيرتها ويطمئنها تجد فى حضنه ملاذا حين تهرب منها دمعاتها حين تقسو الايام فيكفيها انها معه وانه يحمل عنها اعباء الحياة
رجلا بكل ماتحمله الكلمة من معانى تشعر معه المرأة انه وطنها الوحيد
ذلك فقط ما تحتاجة اى امرأة لتبقى سعيدة
وفى النهاية تذكرت بيت شعر نردده دائما
ليس كل مايتمناه المرء يدركه و تجري الرياح بما لا تشتهى السفن
فقد تضطرنا الاقدار للسير فى طرق عكس التى حلمنا بها وتمنينا ليبقى كل شئ فى نهاية الامر قدر ومكتوب فى علم الغيب

11 comments:

سلوى said...

حلم جميل
يمكن يتحقق ويمكن لأ
زي ما قلتي بالضبط
ليس كل ما يتمناه المرء يدركه
في النهايه كل شئ بقدر عزيزتي :)

بوست متميز جداااااااا

رحــــيـل said...

لولو


تسلمى ليه على تشجيعك دايما
زى مقولتى هو فعلا حلم جميل
والله اعلم بالواقع والمستقبل

خلود صلاح said...

:)

جميل يا ساسو

عايزة اقولك بس ان العلاقه بين الراجل والمرأة أكبر من مجرد زوج وزوجته

الرجل عموما يحتاج لعاطفه المرأة سواء كانت متمثله فى زوجته أو امه او بنته أو حتى صديقته

المرأة عموما برده محتاجه ان لازم يكون فى حياتها رجل يفهمها ويقدر يحتويها مش لازم يكون زوجها ممكن باباها او اخوها :)

الموضوع بسيط جدا على فكرة .. مش محتاج ان البنت لازم تكون متجوزة حد كويس عشان تبقى مبسوطة

جميل جو الاستقرار وحلم الفستان الابيض والاسرة .. بس اضمنيلى ان الحال يبقى كده على طول مش يجوا يختلفوا على حاجات هبله تبوظ الدنيا .. او حد فيهم يموت والحياه تتقلب جحيم تانى

مش بعقدك ومش متشائمة بس انتى عارفه انى عشت الموقفين دول

عارفه احنا ممكن نعمل اكتفاء ذاتى ونسيبنا منهم وخلاص .. مش كده بردو ؟؟
:))))))

DayDreaming said...

انا مش شايفه انه خيال علمي ولا حاجه
اي نعم الرجاله اللي عندها القدره على الاحتواء ومواجهة الدنيا دول انقرضوا فعلا
بس برده في حاجه حلوه في حياة كل حد فينا هو مش حاسسها وللاسف مبيحسهاش غير لما يفقدها وعشان كده انا خدت قراري بالرضا التام عن تفاصيل حياتي الصغيره والاستمتاع بالتفاصيل دي كمان ووقت مايجي التغيير يجي وحتى لو الحلم ماتحققش منبآش ضيعنا حياتنا في انتظاره

رحــــيـل said...

خلود حبيبتى

شوفى ياقمر انتى بتقولى
ان العلاقه بين الراجل والمرأة أكبر من مجرد زوج وزوجته

وديتى امثلة بالاب والاخ
بس انا شايفة انه العكس ان اعمق علاقة بتربط بين الرجل والمرأه هى الزواج لانه سكن ومودة ورحمة ورباط مقدس لاخر العمر

بالنسبة للاكتفاء الذاتى فانا كتن بقول زيك كده هو تقريبا فرق الكام سنه اللى ما بينا صدقينى هتيجى فى وقت تحسى انك مش محتاجه اكتر من راجل يفهمك ويحتويكى ويحسسك بالامان الاحساس ده بيزيد مع الايام
محدش يضمن اللى جاى اكيد
عشان كده اان سميت البوست حلم امراه لانه مش اكيد انه هيتحول لواقع بنفس الصورة

رحــــيـل said...

مرمر

شوفى ياميرو ياعسل هو خيال علمى فعلا لان مفيش رجاله كده وانتى قولتى بنفسك انقرضوووووا من زمان زى الدنياصورات كده ودلوقتى لما بنشوف او نقرا عنها بتكون مجرد خيال ههههههههههههه
كويس انك لسه قادره تستمتعى ده فى حد ذاته كويس

انا فقدت القدرة دى تماما

Diyaa' said...

lol @ خيال علمي
مشكلة يا سارة :))

صح طبعاً
وربنا قال في كتابه

(( ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون ))

صدق الله العظيم :)
أكيد ده مبرر الزواج الأسمي..إننا نلاقي نص تاني نسكن ليه ونطمن بوجوده عشان نعرف نعدي الإمتحان والحياة الدنيا بيسر ..والمبرر التاني التكاثر طبعاً

بس عايز أقول حاجة نسيتيها
البشر عموماً

إنهم مش بيعرفوا يشوفوا الأمور من منظور أخر غير رغباتهم ومطامعهم
يعني دايماً ماشيين وفقاً لنظرية صعبان عليا نفسي..إلا من رحم ربي
كل حد فيهم معتقد إنه جاي الدنيا عشان يتبسط..يستمتع..يغترف كل اللي يقدر عليه من نعيمها الزائل

ولو وقفت أدامه حاجة مش عارف يوصلها ..يتنكد ويحس إنه شهيد وإن الدنيا وحشة وإن الأقدار ظلمته
نفسي واحد من المعذبون في الأرض يروح الصومال يجرب مجاعتها ..أكيد مش هيتبقي عنده رفاهية التفكير في حبيبه اللي سابه مثلاً

اه شريك الحياة مهم..واه أحلامنا مهمة لينا..بس أغلبية الناس مش متقبلة فكرة إن الحلم هو حلم
لو اتحقق..فضل ونعمة
لو لأ..إيش عرفنا الخير فين ؟ وامتي ؟ وازاي ؟

واعتقد دي الفكرة اللي وصلتيلها من غير توضيح ..في الآخر لما ذكرتي بيت الشعر


تسلم إيدك :))
أجبرتيني علي التفكير وأنا اللي كنت واخد أجازة :)

سلام

ادم المصرى said...

حلم جميل مووووووووووووت

بجد تسلم اليدى الناعمه

على فكره سعاده النساء عمتا مش فى حب الزوج لئنى مش كل وحده متزوجه سعيده او بتحب زوجها وهذا قليل فى زماننا هزا

المهم حلمك ان شاء الله هيتحقق

ولكن متجعليش منو اساس لئن مش كل الى بنحلم بيه بيتحقق

احييكى رحيل

Soul.o0o.Whisper said...

رحيل الجميلة

دايما بوستاتك فى الجون
حقيقى بتعجبنى بوستاتك جدا
لأنها بتلامس واقع كلنا عايشينه

بصى يا سارة
احنا دايما بندور على المفقود
و بنحس إن هو دا الشئ اللى لو كان موجود
كان زماننا فرحانين جدا و مبسوطين

و لا أنكر طبعا ان شئ فطرى و غريزى جوا كل شخص فينا
زى الارتباط
طبعا بتعب الانسان
و يحس دايما ان فى شئ ناقصه

لكن المشكلة هى الاستسلام للشعور دا
و نفضل طول حياتنا ساكننا الحزن لو ربنا لسه ماردتش

عشان كدا يا جميل
لازم نشوف كل شئ جميل فى حياتنا و نعطيله وقت
مش بس نفكر فى اللى ناقصنا


ربنا يكرمك يارب يا سارة
و يرزقك بالانسان الخيال علمى دا
و كل بنات المسلمين
:)



دمتى بكل الود يا جميلة

Anonymous said...

السلام عليكم

ازيك يا سارة

والله انا عارف ومتيقن ومتحقق

من ان الأمل الوحيد للنهوض بأى مجتمع هو امرأة تحمل فى جعبتها الكثير من العقل والكثير من الحزم والكثير من الحنان والكثير من الحب والكثير من المعرفة

وأثق أيضا أن لا وجود لمثل هذه المرأة فى مجتمع ليس به الرجل الذى تطلبين

تحيتى

وعسى تلقينه يوما

Mohamed Sakr said...

حلم جامد
بس على فكره
احنا كمان بنحلم نفس الحلم وان كان بشكل غير مباشر او غير صريح

تاكدي ان كثيير من الرجال يسعون الى ذات الحلم

بس زي مانتي قولتي ليس كل ما يتمناه المرء يدركه