Thursday, October 30, 2008

التكة الاولى



اولا تم تغير اسم المدونة لهمسات

ثانيا سلوى وال جى راجعين راجعين ان شاء الله
مهو ياهما يرجعو يامشى انا كمان ونسيب المدونة تهوي

ثالثا بقى انا مش عايزه حد يقول علينا مجانين
لان احنا مش محتاجين حد يقول علينا مجانين
احنا عارفين ده كويس جدا منغير محد يقول
ثالثا بقى قصدى رابعا ركزوا معايا
موضوعنا النهارده وهو عن التكه الاولى اه والله المذيعة كانت بتقول كده
اصل انا الاسبوع اللى فات وانا راجعه من الزقازيق للمنصورة كان السواق مشغل راديو وفى كانت المذيعة تتحدث عن التكة الاولى
ايه بقى هى التكه الاولى النظره الاولى ياجماعه اه يانى من النظرة الاولى
وفضلت بقى المذيعة تستقبل رسايل ومكلمات المستمعين بيحكوا فيها عن نظرتهم الاولى لبداية حبهم الاذلى
اه وكمان الكونتاكت بتاعهم كان اغنية ايه مهو طبيعي بقى لازم يكون فى موسيقى تصويرية للحظات الخالدة دى
وخدوا عندكوا بقى كل مايتعلق بالنظرات
من بعتلى نظره بعتله
والنظره الاولى
وكان يوم حبك اجمل صدفة
واول مره تحب ياقلبي
وطبعا انا حسيت ان جالى الضغط مش عارفه ليه
مع انى مقتنعه تماما بالحب من اول نظره
ومؤمنة تماما بلغة العيون وانها ممكن توصل اللى اللسان يعجز عن توصيله
بس بجد لالالالا كان هيحصلى حاجه جايز كنت مضايقه من الناس اللى عماله تستظرف وتتصل وتحكى
اصل الحب والمشاعر واللحظات الجميله بتكون اكبر بكتير ان احنا نحكي عنها
فى لحظات بجد قد ايه بتكون فى منتهى الروعة وكلامنا بيقلل من قيمتها واللى قدمنا مش بيحسها بنفس احساسنا عشان كده ممكن تبان انها مش مهمه اوشئ ساذج وعادي
يمكن عشان كده انا حسيت ان الكلام سخيف رغم اني مقتنعه تماما بالتكة الاولى اقصد النظرة الاولى ومالها من تأثير بيغير مجرى حياتنا كلها
المهم بقى ان فى حد من معدين البرنامج تقريبا بعت يسأل المذيعة عن اثر التكه الاولى فى حياتها فقالت انها هتختم بيها الحلقه بتاعهتا وللاسف الشديد ان احنا وصلنا المنصوره قبل نهاية الحلقة ومعرفتش حكاية التكة الاولى للمذيعة صاحبة الافكار العبقرية

21 comments:

Alkomi said...

مين قال ان الكلام ده سخيف

و بعدين الاهم

انكم راجعين راجعين

و احنا برضه مستنيين

رحــــيـل said...

محمد الكومى

اهلا بيك
الكلام ده مش سخيف السخيف ان احنا نحكى عنه كلامنا بيقلل كتير من قيمه اللحظات دى

اه راجعين ان شاء الله
دعواتك

blue-wave said...

هههههههههههههههههههههههههه
والله انتى تحفه
وانتى بقى ايه التكه الأولى فى حياتك؟؟
(وش بيغمز)

Unknown said...

السلام عليكم ورحمة الله وبركاته
النظرة الاولى لك
اما الثانية فعليك
هكذا قالوا لنا من زمان
بوست رقيق وجميل
تحياتى ودعواتى

Dr. Kafy said...

ترجعوا بالسلامة

romansy said...

اولا مبروك عليكوا تغير اسم المدونه
اسم همسات فعلا جميل
ثانيا بقى
مش دايما بيقولوا تكته قصدى نظره فابسامه فموعد فلقاء
فجواز بعد كده
بس انا الصراحه رائى
ان النظره الاولى وسيله مساعده من وسايل الحب
هى بس اعجاب بالشخص او الشئ اللى انت شوفته
فالحب الصادق هو اللى بنشوفه بنظره الروح مش العين
طيب مش ممكن واحد يحب واحده من غير ما يشوفها
ممكن ليه لا
؟
طالما شافها بقلبه وعشقتها روحه
يعنى العين بس وسيله مش اكتر
وحمد الله على سلامتكوا
وترجعوا بالسلامه

L.G. said...

سارة
أولا أعتذر اني مررت التعليقات من غير ما استأذنك

المهم ما كان من بدري قبل ما نتنحى :)

ايون التكاتك دي مهمة جدا ده دي تخصص
فيه أغنية جوالة فيها
أنا نظرة مني توقع 100

طب كنت قلت بصراحة الموضوع مميز بس يمكن الناس اللي اتصلت هيا اللي هايفة كنت قلتيلي كنت اتصلت احكيلها على اول تكة كان عندي 9 سنين

:))
لا خالص مش سخيف ان احنا نتكلم عن اهم اللحظات في حياتنا ومش لازم التكة تكون بداية حب
ممكن تكة من نافذة قطار تكة واحدة حلال يعني
ويفضل أثرها في نفسك لآخر العمر
طب كنت قلت من زمان أكتب كتاب عن التكاتك بما اني عجوز
بس تكاتك كلها مرخصة
:))
على الميل بأه
سلام
أرفع لك القبعة مستواكي التدويني في تقدم

تكتوكتين ليكي

L.G. said...

أحلى حاجة ان التعليقات بتاعتي بتمر علطول :)))))

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك.
ضع بنر الحملة من علي مدونتك البنر موجود علي مدونتي

رحــــيـل said...

Blue-wave

اهلا بيك يادكتور
احم احم انا التكه الاولى دى لسه فى انتظارها
لو حصلت هبقى احكيلكم عليها

نورتننا ياافندم
________________________________
Norahaty

اهلا ياافندم

نورتينا
شكرا جدا لمرورك

اه على الفكره الجمله دى المذيعه قالتها فىا لبرنامج برضه
ههههههههههه
___________________________________
د / كافى

يارب
شكرا ليك
____________________________________________
رومانسى

شكرا جدا ليك
انا معاك فى كلامك
بس فى نظرات كده اول لما بتحصل بين اتنين بيبقى خلاص كل حد فيهم عرف انه هو ده اللى بيدور عليه
مش دايما طبعا
دى حالات نادره على فكره

تحياتى لك
_________________________________________
ال جى

انتى تعملى اللى انتى عايزاه
اعتذار ايه بس
فعلا يالولو ممكن تكه تفضل معانا العمر كله
وكمان تغير مساره
انا هستنى علىا لميل عشان اعرف تكاتك كلها
ههههههههههههههه
ؤربنا يخليكى يارب
فى انتظار بوست قادم ليكى
ربنا مايحرمنى منك انتى وسلوى
_______________________________________
بيرم المصرى

شكرا مرورك

حاول تفتكرنى said...

الاشياء نسبية

وأحكامنا على الأمور مهما كانت ربما تتبدل ، ويصبح المستبعد قريب والعكس

أما المذيعة ، فده شغلها فلن نحاسبها

تحياتي

Anonymous said...

السلام عليكم ورحمة الله وبركاته
سارة
إيه الجمال ده كله بس روعه وابصم بالتلاته
أما من ناحية انكوا مجانين ده موضوع فيه نظر ههههههه
بس بجد رائعة ويا ريت تلاقي التكة كده بسرعة ..... وإدعيلي معاكي هههه

م/ الحسيني لزومي said...

الحرية لها ثمن غال ولن يدفعه غيرنا وعزوفنا عن ممارسة حقنا الانتخابي هو الذي يغري النظام باستخدام البلطجه واقل المكاسب التي يمكن ان نحصل عليها من التمسك بممارسة هذا الحق ان النظام سوف يقدم وجوه مقبوله بدلا من تلك الوجوه الكريهه
شاكر مساندتك للحملة واطمع ان تضعي بنر الحملة علي مدونتك ولو ارسلتي لي ميل سوف ارسل لك عليه كود البنر

بنت القسام said...

امممم
طب وبعدين
؟؟؟؟؟

محمود @كلام من القلب@ said...

مدونتك جميله واتمنى تنورى مدونتى





الحب مقطوعة موسيقية تتناغم فيها الأوتار لتنسج لحنا دافئا من قلب الحبيبين ..
وأنا هنا أحاول أن أسترجع ألحانا وكلمات لامست مشاعرنا وعبرت عن حالات
مررنا بها أو عشناها مع من نحب..
وددت أن أعرض لكم هذا الاحساس وكيف عبر عنه الفن..



أحببتك حتى.....
أحببتك حتى الحب توقف عند عينيكِ
أحببتك حتى نطقت كل قطرة من دمي بأني أعشقك
أحببتك حتى ذرفت العين دموع الخوف إذا فكرت في بعدك
أحببتك حتى نسيت... كل حياتي وأصبحت أنت حياتي
حبيتك تنسيت النوم


لن أنســــاك
عندما ابحث بين اوراقي الذابله.
اجد صورتك المكتوب عليها لن أنساك
وتحرك تلك الصوره نبض قلبي
وتعيد حبك المنقوش في ذاكرتي
وتتبعثر الاوراق وتبقي صورتك في خيالي
انساني ما بنساك

أشتاق إليك وأنت جواري
أشتاق إليك وشوقي يوهبنى بين يديك
ويجعل الغيرة تحرقني من نظرة تقصد عينيك
فشوقي إليك يتمناني أن أكون أقرب منك إليك
بتوحشني و انا وياك

م محمد الدستاوي said...

مدونه جميله
والكلام أجمل
بس المفروض كنتي فضلتي في العربيه وهيا راجعه عشان كنا نعرف رأي المذيعه

Unknown said...

احلي من التكه الاولي..الهمسه ديه
همسات هامسه همس تسرح وتهاجرفيها
ترحل لبلاد والجنه هناك تلاقيها
يا تري فيه همسات تاني تهمس بيها
قوليها
وبلاش تخبيها
يارب تتك تكتهاالاولي
مذيعه هايفه ..دي امنا الغولا

عاشق الورد said...

هاى رحيل
اولا سلوى فعلا رجعت
ثانيا انا حقولك الناس اللى بتتصل دول اكثره المذيعه عارفهم وبيقولهم انها حتكلم عن موضزع كذا واما هما بيتصلوا او البرنامج بيتصل
ثالثا انا حقولك ليه المذيعه بتكلم عن موضوع التكله الاوله (قصدى النظره الاولى) علشان اكيد هى فضيه وما فى عندها حاجه تقولها

Radwa said...


انتى بقى من المنصورة
وبتيجى الزقازيق تعملى اييييييييه
على فكرة انا من الزقازيق
وبدال بتروحى المنصورة تبقى بتعدى من قدام بيتنا
.....................
سندريلا

*^*AL.7aAzZeEnN*^* said...

السلام عليكم

الموضوع جميل اوووي و مش كلامات
سخيفه ولا حاجه دي كلمات جميل اووووي


كل سنه و انت طيبه

و يارب تكون ايام سعيده ان شاء الله

و اتمني لك المزيد من التقدم و السعاده

و اتمني زيارتك الي مدونتي المتواضعه

اقصوصه said...

كل عام وانتم بخير