إيه يا عم
إنت يا أستاذ
يا حضرة
على فين؟
المدونه اسمها
كــــلام البنــــات
يعني ممنوع دخول الرجال
خلونا نشم نفسنا بقى
أقولكم ... اتفضلوا
ماهو الرجل هو الأب والأخ والزوج
ونصف كلام البنات عليكم
المهم اللي يجي .. أديكم شايفين .. المدونه جديده وعليها كومبيالات ..
يعني يجيب معاه .. عداد زوار شيك
ساعه آخر صيحه .. وكده
ملحوظه هامه جدا جدا جدا
إل جي بتعلق صندوق على باب المدونه .. على إيدك اليمين وإنت داخل
الصندوق ده للرشاوي .. قصدي تبرعات ..
يعني كل واحد وهو داخل يحط في الصندوق اللي يقدر عليه
ماذا وإلا ... هنعمل بوستات جامده عن الرجاله
عموما أنتم أحرار بقى
نتكلم جد بقى
المدونه دي لكلام البنات
يا ترى البنات بتتكلم في إيه ؟
ده اللي إن شاء الله هنعرفه
في الموضوعات القادمه
طبعا المدونه مفتوحه للجنسين
الموضوعات سيقدمها بإذن الله معي
الأخت L.G
انتظرونا
30 comments:
سلوى
مبروووووووووك على المدونه الجديده
اولا بالنسبة للشكل
جميل فعلا بجد
والنظام اللى فيها حلو
اما بقى موضوع المدونة
فتمام جدا
ياريت فعلا يكون كلام بنات بس
بس طبعا الرجاله فضولهم هيموتهم
مش هيقدروا ميدخلوش
على العموم
هو كرم اخلاق منك ومن البنات انهم يسمحوا للرجالة انهم يدخلوا هنا
طول عمرنا مغرقنهم جمايل
على الله يطمر
مش باين ان جيتى للحق
بس ماعلينا
المهم هنتكلم فى ايه؟؟؟؟؟؟؟؟؟
حاجات كتير بصراحة
وانا بقى شايلة فى قلبى وساكتة
وهتكلم بقا بس بالنسبالى يعنى حاجات ممكن تكون مهمة
يعنى مثلا
حقى انى اشتغل شغل فى مجالى من غير محد يقولى انتى بنت
حقى ان اختار الانسان اللى ارتبط بيه من غير ماحد يزن عليه
نظره الناس للبنت
على انها كارثه المفروض يخلصوا منها
وان حلها الوحيد الجواز
يااااارب ارحمنى
انتى لازم تعملى بوست جامد عن الموضوع ده ياسلوى
اه حاجه كمان بقى غيظانى جدا جدا
الراجل من دول يفضل يعرف بنات ويكلم اشكال والوان
ويوم لمل يجى يجوز يقولك اجوز واحده متكونش عرفت اى حد قابلى
رجاله اخر زمن
يالا مدونه بجد هتكون ميه ميه
خالص تحياتى وتقديرى
السلام عليكم
سلوى ازيك اولا انا مش عارفاكى بس البركة بقة فى ست رحيل اول مرة تعمل حاجة حلوة انها تعرفنى على ناس عسل زيكم المهم حلو اوى كلام بنات ولو ان ياسلوى كلام البنات عمرة ما بيخلص
بس فكرك كل الرجالة هتتدخل دول ماهيصدقوبس والله ياسلوى الواحد بجد اتخنق نفسنا نكون بجد براحتنا
يلا هنستنى منك الجديد فى كلام البنات الكتير دة
سعيدة بمعرفتى بيكم تقبلى مرورى لكى
أنا دخلت هنا بالصدفه من مدونه مش فاكره ايه بصراحه كنتي كاتبه فيها تعليق :$:$:$:$
مبروك على المدونه برغم اني مش عارفاكي
بس واضح كده انها هتبقى حاجه جامده جداً ان شاء الله ;)
وعلى فكره شكل المدونه جميل جداً ذوق عالي أوي بجد :)
في انتظار موضوعك القادم الجامد إن شاء الله
مبروك على المدونه الجدبده يا سلوى
انا احد اصدقاء رحيل
وهى من بعثت لى اللينك
ان شاء الله تكون مدونة ناجحه
أنرتِ عالم التدوين
إن شاء الله
تحقق المدونة هدفها
تحياتى
فكرة حلوة قوي
وحتعجبنا كلنا انشاء الله
يلا اطرحوا المواضيع وخلونا نستمتع
بالتوفيق
بالتوفيق يارب
عميق تحياتي
ضياء
eih ya gameel elmofag2at el7elwa di? 3ala fekra esm elblog gameel geddan w y7'ally elregala kolohom 3andohom fodool.. tawaqa3y en elregala hyeb2o aktar qora2ek, bas ew3y tgamleehom 3ala 7sabna.. mashy? e7na ya banat bardo malnash 3'eer ba3d.
7abeet 2a2olek mabrook.. w ya reet tesma7eeli ab2a akteb ta3lee2aty elmotawad3ah. tamanyaty b naga7 baher lelblog ya salwa. rabenna yewafa2ek.
سارة الجميله
اللي عامله شغل جامد
وإعلانات ومظبطه الموضوع
ألف شكر يا لولو ع المجهود
والبيت بيتك طبعا
دمتي بكل ود
روشا
صاحبة ساره تبقى صاحبتنا
منورة وتنورينا دايما إن شاء الله
خالص تحياااااتي
رحاب
أولا أحييك على مدنتك الجميله
وأنت شرفتينا بجد
والبيت بيتك طبعا
زيارات بقى
أوك
في حفظ الله
شيرين
شرفت المدونه
وأسعدني تواجدك .. لأن أصحاب سارة هن أصحابنا
نورينا دايما
دمتى بكل ود
أميرتنا دودو
شرفتي المدونه
بس أنا صار لي فترة في التدوين
وده لينك أول مدونه
http://kalymaat.blogspot.com/
على فكرة مدونتك جميله
دمتي بكل ود
youma
شرفت بزيارتك بجد
ونورتي المدونه
وفي انتظار زياراتك دوما
دمتي بكل ود
Dr. Diaa Elnaggar
حلو شكل الاسم الجديد
وطبعا حضرتك نورت المدونه
كما تنير مدوناتي دوما
خالص تحيااااااتي
Fantasia
بجد شرفتي المدونه
وطبعا البيت بيتك
شرفينا دوما
وماتخفيش
إحنا هناقش مواضيع .. ومش هنجامل حد
لا المرأه ولا الرجل
طالما الصندوق اللي على باب المدونه مليان
تبقى الرجال في أمان
هههههههههههه
دمتى بكل ود واحترام
الف مبروك ياسوسو
ان شاء الله تكون مدونه رائعه
لان افكارك ومعلوماتك تؤهلك
لنجلح باهر بأذن الله
ربنا يوفقك ياااااااااارب
السلام عليكم
انا على فكرة جيت وتقريبا الكومنت مش اتكتب
بس جيت تانى اهو
علشان لازم اقول الف مبرووووك
على المدونه الجديدة
وعلى الكلام اللى حاسس انه هيبقى هادف
مش مجرد ملام بنات
ربنا يوفقك دايما
تحياتى
أنا داخل أهني وأبارك
يعني لا هاتجسس
ولا هقرا بوستات
ولا هعمل كومنتات
ولا حاجه
:)
وان شاء الله نشوف قريبا مدونة كلام ولاد
ونعمل معاهدة سلام بين المدونتين
klmat
تسلمي يا لولو
ودايما كده منورانا
البيت بيتك بقى
زيارات على طول
دمتى في خفظ الله
mohamed
أولا:
هل وضعت في الصندوق اللي قلنا عليه؟
أحسن انت حر
وأنت عارف إيه اللي هيحصل
طبعا امزح
منورنا أخي
وطبعا ننتظر زياراتك دوما
خالص تحياتي
Mask
طبعا تنورنا
بتعليقاتك
ومش في تجسس ولا شئ
البيت بيتكم كلكم
بس أهم شئ لا تنسى
الصندوق اللي على باب المدونه
دمت في حفظ الله
ايه يا سلوى الدخله الجامده دى والالوان والماوس الانيق
لا لا لا
دى حاجه حلوه خالص
مستنيين نسمع هتقولو ايه
مبرررررروك
تحياتى
السلام عليكم
كده يا سلوي
تقوليلي تعالي الاقيكي بتطردي الرجاله يا اما ندفع رشاوي
طيب انا هعمل مدونة مضاده اسمها كلام رجاله
وابقوا وروني
:P:P:
مبروك
حظرتنا ملك كبدة تعطف عليكم و مر على مدونتكم
و ان كان في استغرابات
اندهاشات
منع رجالات من دخول مدونات
عالعموم تبريكات بنات تبريكات
كلمة واحدة ارد بيها عليكم
بلللم بلللللم تارارارارارا
منى أخيرا
نورتينا بجد
وكويس إن الشغل عجبك
مش بقول إنها عليها كومبيالات
البيت بيتك بقى
زيارات على طول
تحياااااتي
mohand
يا خبر
دا إنت منور يا مهند
بس برضه لازم ترضي الصندوق
أصل الفلوس دي هنجمعها ونعمل إنقلاب ع الرجاله
لأ بجد
كرر الزيارة دايما
لأننا عايزين رأي الرجال برضه
ما هو أنتم نصف المجتمع برضه
المهم
البيت بيتك بقى
خالص تحياااااتي
ملك الكبدة
ملك الكبده عندنا يا مرحبا يا مرحبا
الأول : أعرفك إننا ديمقراطيين
يعني ممكن نأخذ بدل الإتاوات قصدي التبرعات النقديه
نأخذ ساندوتشات كبده
نتكلم جد
بجد شرفت المدونه
وفي انتظار تكرار الزيارة
خالص تحيااااتي
السلام عليكم
جميله جدا المدونه والوانها وتنسيقها خطير جدا
مبرووووووووووك
انا شبه قريت المواضيع كلها بس هعلق على كل واحد لوحده
بس عارفه
حاسه انك هتلاقي تعليقات ذكوريه اكتر
مهو ممنوع دخول الرجاله معناها اتفضلوا يارجاله
ههههههههه
تخيلي
السلام عليكم
جميله جدا المدونه والوانها وتنسيقها خطير جدا
مبرووووووووووك
انا شبه قريت المواضيع كلها بس هعلق على كل واحد لوحده
بس عارفه
حاسه انك هتلاقي تعليقات ذكوريه اكتر
مهو ممنوع دخول الرجاله معناها اتفضلوا يارجاله
ههههههههه
تخيلي
Post a Comment