Sunday, January 20, 2013

داين تدان



3سلامات يا مدونين 3 سلامات

بإيدى سلام .. وبعقلي سلام .. وبقلمى سلاااام

3 سلامات ل3 سنوات .. فآخر بوست كتبته نشر لي كان في 9/12/2009
وقبل ما اكتب شئ جديد مريت ع المواضيع القديمه
دا احنا كنا بنكتب كلام كتير أوى .. وبنكتب بالعاميه وآخر روقان :)

يالا عشان ما اطولش عليكم ندخل في الموضوع بقى
الحب ع النت .. والناس اللي بتتسلي بقلوب الناس
ناسين ان ربنا عدل .. والدنيا داين تدان
ونقول


ع النت كل شئ مباح

حتى القلوب

واللي ضميره في اجازه ارتاح

عامل دنجوان بيدوب

ع الفيس والميل سواح

والضحيه تقع بكلمتين يا دوب

بيدرس ضعفها

اللي مالهاش قريب

واللي فقدت قريب

واللي رماها حبيب

واللي بتنتقم من حبيب في حبيب

وبسرعه هو

يصنع بالكدب مفتاح

يفتح قلبها المحجوب

مش بقول ان الضحيه ملاك

لكنها ببساطه بتطلع من هلاك بهلاك

غلطانه هي وكل شئ محسوب

في النهايه في ربنا العالم بالقلوب

وكل واحد ونيته

داين تدان ..

وكل شئ مكتوب

-ـــــــــــــــــــــــــــــــــــــــــــــــــــــــــــــــــــــــــــــــــــــ
ملحوظه : لو بيحبك مش هيطلب تليفونك ولا مقابلات
لو عايزك مش هيطول في الكلام كتير
هيخبط ع الباب على طول
اللي بقى بيتلكك .. وبيختلق أعذار
يبقى بيتسلي كام يوم
وفي النهايه يقولك مع السلامه

لنتذكر جميعا قوله تعالي
( وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لا يَحْتَسِبُ )

اتقوا الله عشان ربنا يحفظ بيوتكم وبناتكم

سلوى

7 comments:

لورنس العرب said...

جامد جدا وواقعي جدا جدا

Salwa said...

أول تعليق من 3 سنين :)

ربنا يكرمك معتز


دمت بكل خير

L.G. said...

حتى لو كلامك صحيح فالحب اجبار وليس اختيار
والا لكان كل شخص اختار من البداية المناسب له
كلام جميل بس الواقع مختلف
دام قلمك بخير وعودا احمدا يا س

رحــــيـل said...

والله يالولو ع النت وبره النت
مسألة ضمير

المدونة نورت والله ياجدعان
حمد الله على سلامتكم
وعقبالي لما اكتب انا كمان

L.G. said...

شدي حيلك يا سارة باه البوست الجي عليك انا وسلوى عملنا باصلنا اهه

Salwa said...

LG

فعلا الحب ليس لنا فيها اختيار
فالقلوب بين يدى الرحمن يقلبها كيف يشاء

لكن أكيد التحكم في مشاعرنا اختياري
ومخالفه هوى النفس اختياري برضو
عدم ارتكاب الخطأ اختياري

والا كنا عملنا مصايب وقلنا ده اجباري

الضمير يا سماح
انا بتكلم عن اللي بيتسلي بقلوب الناس وفاكر انه كده شاطر


Salwa said...

ايوة ساره
مسأله ضمير فعلا

في انتظار موضوعك يالا :)