إنها أنا

لحظة .. لحظة حب

2012-01-11T18:34:00.000-08:00

بسم الله الرحمن الرحيم

لحظات الحب في حياتناقليلة جداً أحياناً تكون مفعمة بالفرح والسرور وأحياناً تملؤها الدموع والشجن .. منمنا لم تمر بحياته لحظات حب .. من منا لم تحفر بداخل قلبه تلك اللحظات.. فكرت أن أعود لمدونتنا التي انسحبت منهامنذ ثلاثة سنوات لأعود لها في لحظة حب .. للكلمة .. للمشاعر .. للتدوين .. لبعضأصدقائي في عالم التدوين لأشاركم لحظات حبي التي مرت في حياتي قد تأخذكم بعيداً عنمشاعركم الشخصية وأحوالكم البيتية لتعيشوا لحظات من حياتي ..

لحظات حبي لن تقتصر على حب الرجل والمرأةفصدقوني ليست شرطاً أن تكون أهم اللحظات هناك لحظات حب أخرى بالفعل حفرت في قلبيوعقلي ومازلت أتذكرها ... لا أندم على لحظة

مرت بحياتي سواء سعيدة أو حزينة جداًفهذه اللحظات صنعت تلك الحياة .. دموع وابتسامات .

حبي مع الله

من أهم اللحظات في حياتي على الاطلاق كنت فيحالة نفسية سيئة جداً وركبت تاكسي ووجدتني للحظة أشعر أني أحب الله جداً وأشعربرضا تام عن كل ما مر بحياتي من أحزان تعجبت لذاك الشعور وفهمت معنى كلمة قالهاأحد الصالحين بأن الملوك لو عرفوا ما يشعرون به من الرضا لحاربوهم عليه بالسيوف ..حالة ترفعك عن الدنيا وتسمو بروحك بشكل غير موصوف .. للأسف لم أشعر بها كثيرا بعدذلك ولكني دائماً أسعى لأسترجع تلك اللحظة وأعرف أن هذا الشعور موجود.

حب الجامعة

طبعا أحلى حب وأقوى مشاعر .. تغيبت عنه يومين ولم يكنبيننا اي تصارح نهائي بأن هناك حب بيننا وجئت على غير موعد ووجدت شلتي الكبيرةمجتمعة في حلقة كبيرة عند مكاننا بجانب كشك الكتب بساحة كلية التجارة ووجدته يرجعخطوة للوراء خارجا عن حدود الدائرة ويقول وبدون صوت .. وحشتيني .. قرأت قلبه قبلحركة شفتيه وكانت من أسعد لحظات حياتي :)

لاحظوا أن المرأة تكون أجمل نساء العالم عندما تحب وعلى قدر حبها يكون توهج محياهاوبريق عيناها

حب رحمي

من أقوى العلاقات على وجه الأرض صلة الرحم وأجدها أقوىمن أي صلة أخرى فهي لا تنفصم حتى بالموت.

كنت عند خالتي وفي حالة اكتئاب شديد ناتجعن قصة حب فاشلة أودت بثباتي الروحي .. فحاولوا الترويح عني بالذهاب "جديلة " تقريبالنأكل بليلة وفي الطريق جاء صوت تامر حسني عبر المذياع بأغنية

" حبيبي وإنتبعيد .. مشتاق للمسة إيد .. من غير ولا همسة ..قرب ومد إيديك من غير ما أفكر فيك حتحسباللمسة .. بتقول لوحدك آه .. وبقول لوحدي آه وبتتسمع واحدة .. تبكي عليا عنيك .. تبكيعنيا عليك .. هي دموع واحدة "

أبحرت مع الكلمات ومع أحزاني ووجدت الدموع بغير إرادة مني تنساب كماء جدول صاف يعلن عن مدى نقاء هذا الحب ولوعة فراقه .. وهالنيلحظتها بكاء ابنة خالتي الشديد وهي تنظر حانية إلىّ وسألتها وما يبكيك وأنا أعلمأنها في أيام خطوبتها الأولى فقالت : تبكيني دموعك أنت فإن بكيت عيونك بكي لها قلبي.. نعم أحب ابنة خالتي لأنها أحبتني بهذا القدر تلك لحظة لا أنساها .. سبحان مناعلى من قدر تلك الصلة فهي رحم من الرحمة بيننا

حب الصداقة

كنت ذاهبة مع صديقتي الحبيبة الى امتحان آخر السنةبالجامعة وفجأة جاء كلب وأنا عندي فوبيا من الكلاب وأخذ ينبح فخفت وتراجعت وكانالكلب يسد علينا الطريق وهي تبكي وتستحثني للمضي فالوقت يمر وسيضيع منا الامتحان وانااقول لها أن تذهب هى وسأعود للمنزل ولكنها لم تستطع أن تتركني وفي نفس الوقت تبكيمن أجل الامتحان ... لا تقلقوا :) جاء رجل بالجلباب وشخط فيا بعنف أني سأضيعزميلتي وأنه من العبث الخوف لتلك الدرجة فمضيت إحراجا من صراخه في ورفقاً بصديقتي.... شعرت كم أحبتني صديقتي لدرجة أن تضحي بمصلحتها من أجلي .. ودائما أتذكرها فيحديث سبعة يظلهم الله يوم لا ظل إلا ظله " رجلان تحابا في الله اجتمعا عليهوتفرقا عليه " أعتقد الكلام ينسحب على الاناثايضاً

حب الغريب

من الغريب أن تحب شخصاً غريبا عنك أليس كذلك فكيف تحب منلا تعرف ؟ ولكني أحب شخصيات غريبة بالفعل مرة ركبت مسافرة وركبت بجانبي امرأة صغيرةوطلبت مني أن أدعو لها " ربنا يفك كربك يا حنان " لم أعرف المرأة ولا ماهو الكرب في حياتها ومرت أعوام عديدة ومازلت حينما أتذكرها أقول ربنا يفك كربك ياحنان ..

حب الأماكن

أنا أعلم تماما معني كلمة رجل قلبه معلق بالمساجد فأناأحب المساجد بشكل غريب خاصة مسجد أحمد بن طولون وأحب القلعة بالاسكندرية بشكلمبالغ فيه وأحب مسجدي .. المسجد الأقصى وأعلم يقيناً من شدة حبي له أن الله يوماًسيرزقني شهادة على أعتابه من أجمل اللحظات ولو أنها لم تكن في الحياة الواقعية بلفي منامي عندما رأيت قبة الصخرة أمامي احساس .. إحساس وكأن قلبك يملؤه الضياء .

حب ناضج

عندما تمر السنين وتزداد نضجاً يكون الحب أقوى وأعمق يتخطى الكلمات وحتى الأفعال ويظهر في تشكيل الروح ثباتها .. جنونها .. حزنها

أحببت في فترة من الفترات في عملي وكنت أنتظر مجيئه فهوفي فرع آخر وكان هناك أحد المهندسين يعلم بتلك القصة وقد كنت جزلة وفرحة بشكل كبيرلأني سأراه فوجدت ذاك المهندس يقول لي .. اهدئي قليلاً وإنزلي على الأرض انت طايرةفي السما علمت وقتها كم أحبه ..

وعند وقت الرحيل وفي آخر يوم رأيته فيه كنت أخرج منمكتبه مودعة اياه كبقية الزملاء وكانت يدي تأبى علىّ أن أغلق الباب وتضيق المساحةالتي أراه منها وهو يتمسك بكلتا يديه بكرسيه لكي يقوى على احتمال اللحظة .. بعدهالم تقو عيناي على احتمال انهار الدموع التي سكبتها .. وذهبت لعلاجها .

حب الأيام

والدتي خضعت لعملية قريباً وحدثت مضاعفات وكانت تتألمليلاً وليس بمقدوري عمل شئ وانتابني الهاجس بأنه قد يحدث لها سوء وغلبني النوم منشدة الارهاق ومع ذلك ظل لساني يردد اللهم أسألك بحق " وإذا مرضت فهو يشفين" أن تشفي أمي .. اللهم بحق اسمك الشافي .. حتىوجدتها توقظني لأخفض صوتيقليلا بالدعاء وهو يسري بجوف الليل من شدة خوفي كنت أدعو بصوت عال وأنا نائمة .. ليسحبي لأمي ولكنه حبي لأيامنا معاً فهي قطعة مني تتألم وتتألم لها روحي بالتبعية .

لم يكن الحب لنشقى به أو لنسعد به ولكن لتتكون شخصيتنا عبر تلك الخبرات .. فلا تحزن على حب آلمك فقد شكل جزء منك ولا تبتعد عن حب قد يؤلمك فعلى الأقل ستتذوق طعم لحظة حب مرة أخرى وما أقلها من لحظات وما أندرها فلا تلق بجواهر أرسلها الله لك .

قدر تلك اللحظات في حياتك فقد لا تتكرر .

نهاية حباً في عالم التدوين كتبت ورغبة مني في إحياءعالم التدوين من جديد لأنه أضاف لنا الكثير عدت كانت كلام بنات وأصبحت هي أنا ..

تلك كلماتي ..وكلماتي هي أنا

تحياتي

سماح نصر

للغائبتان الحاضرتان .. عيدكم سعيد

2010-09-09T16:31:00.000-07:00

L.G & سلوي

كل سنة وانتم طيبين وبخير دايما

كنت عايزه أقولكم انكم وحشتوني جدا

وربنا يجعل عيدكم سعيد وجميل زي قلوبكم

خلونا ما نبطلش نحلم

2010-04-16T04:31:00.000-07:00

واحنا صغيرين بيتولد جوانا احلام صغيرة جدا وبريئة جدا جايز مش بتكون مهمة لغيرنا وبيشوفوا انها تافهه او ساذجة بس بالنسبة لينا بتفضل كنزنا اللى بنحلم دايما نوصله وتعدي السنين ونكبر حبة والاحلام الصغيرة يا اما بتتحقق ومعاها بيتحقق جزء من سعادتنا يا اما بتتدراى جوانا من كم السلبيات والمعوقات اللى بتقف قدام تحقيقها بتستخبى فى ركن فى روحنا كأنها ذكرى بعيدة لما نفتكرها نبتسم بألم ليها لان احنا فى يوم كنا متخيلين ان سعادتنا وحياتنا متوقفين عليها ونكبر اكتر وتزيد احلامنا وتكبر امالنا وتوسع حياتنا وتتزحم بتفاصيل اكتر واكتر ولكل تفصيلة حلم خاص بيها وبيمر الوقت واحنا مشغولين وبنجرى فى الدنيا هنا وهناك وبرضه مع الوقت نلاقى الاحلام اللي مدارية فى ركن الروح بتزيد و بتوجع كل لما نبقى لوحدينا مع روحنا نطلعهم نتفرج عليهم ونحس بحسرة عليها ونحس كمان ان العمر بيعدي وان كل رصيدنا من الحياة شوية احلام مدارية فى ركن ضلمة من روحنا

اللى فات ده بيحصل كتير جدا معظمنا مر بيه لان الاحلام اوقات كتير بتكون جنتنا على الارض الجنة اللى بنهرب ليها من وجع الايام وقسوة الدنيا اوقات عشان كده احلامنا بتكون كتيرة جدا وساعات بعيدة او مش منطقية لانها احنا بنختارها ملهاش دعوة بالواقع وحتى لو ليها علاقة بالواقع وفى امكانية انها تتحقق فعلا مش بنكون احنا المتحكم الاول والاخير فيها فى الاهل والمجمتع وما يسمى بالعادات والتقاليد وطبعا ده بيكون واضح جدا مع البنات اكتر -لمجرد انهم بنات- فى كمان حاجة مهمة بتكون عائق فى تحقيق احلامنا احنا نفسنا اوقات مش بنكون مستعدين ان احنا نقوم بدرونا فى حلمنا ومش بنحاول نسعى للاستعداد ده او كمان اوقات بنخاف خصوصا لما نلاقى كل اللى حوالينا معارضين لحلمنا بنخاف نشيل مسئولية الحلم بتاعنا لان احنا مش واثقين هو هيودينا على فين ومش عندنا استعداد نتحمل نتيجته لوحدنا لان بنكون عارفين ان احنا بنعمل شئ مختلف وان الناس شايفه انه مش عادى بنخاف من النقد السلبي بنخاف من السخرية
كل ده بيتراكم جوانا خلال السنين لان غالبا اكتر حاجة اهلنا بيورثوها لينا بشكل تلقائى هو الخوف فبنفضل الحلم وبس على ان احنا ناخد اى خطوة جادة فى تحقيقة ونرجع نقول احلامنا مش بتتحقق ونكره احلامنا هى كمان

انا ده عدى عليا فى وقت ما وحسيته جدا جايز لانى قضيت وقت كبير بحلم وبس ولان ماكنتش جرئية بالشكل الكاف اللى يخلينى اسعى لتغير الواقع من حواليا فى وقت ما واكيد الاحساس بالفشل كان ملازمنى طول الفترة دى بس اعتقد انه مع الوقت فهمت حاجة مهمة جدا وبدأت اتصرف على اساسها عرفت ان المشكلة ماكنتش فى المجمتع والواقع اللى حواليا وبس انا كمان خفت وده خلانى اغير احلامي مش سهل ان احنا بعد ما عشنا سنين كاملة نحلم بطريق معين احنا شايفينه وردي ومتخيلين انه منتهى سعادتنا بعد كل ده نصرف نظر عنه بس برضه مش منطقى ان لما نكتشف انه مش هنقدر نمشى فيه ان احنا نفضل مصممين على انه يكون حلمنا
ليه مندورش على احلام تانيه نقدر نحققها من خلال الواقع اللى بدأنا مع الوقت نكتشف ابعاده وقدرنا نقيم قدراتنا لاننا كبرنا وبقينا انضج من الاول وفهمنا نفسنا اكتر واتعلمنا وخدنا خبرة ليه منستغلش كل ده بإننا نخلق لينا حياة جديدة فيها تفاصيل نحبها وتحبنا ندور على احلام تبقى شبهنا بجد نقدر من خلالها نعلن عن وجودنا بشكل منطقى وحقيقي مش لازم تكون احلام كبيرة جدا بس المهم انها تكون شبهنا جدا وحسينها جدا عشان نقدر نحققها فعلا وعشان نفضل باقين عليها وساعيين ان احنا نحولها لواقع اجمل من اللى احنا عايشينه بندور فيه فى ساقية فشلنا
خلونا مانبطلش نحلم ونغير حياتنا بتفاصيل صغيرة ونجمل واقعنا بأحلامنا اللى شبهنا
-----------------------------------------------------------------
ولكل البنات :)) L.G التدوينة اهداء ل

رحـيــــــل

رحله مع الطبيعه

2010-02-12T15:12:00.000-08:00

إنا لله وإنا إليه راجعون

2009-12-08T03:37:00.000-08:00

الحمد لله .. ولا حول ولا قوة إلا بالله ... ولا راد لقضاء الله
رجاءا من كل من يدخل هذه المدونه .. او قرأ حرف فيها
رجاءا .. قراءه الفاتحه وفضلا منكم سورة يس أو ما تيسر من القرآن الكريم
لروح أمي الغاليه حبيبتي وصديقتي .. وأن تدعوا لها بالرحمه والمغفره
جزاكم الله بكل حرف كل الخير

لله ما اعطى ولله ما أخذ

ثق في نفسك

2009-11-01T08:59:00.000-08:00

ما مقدار ثقتك بنفسك ؟
هل تحب نفسك ؟
هل تقدرها ؟
لا أتحدث عن الغرور او الأنانيه
فقط اسأل ما مقدار نفسك عندك ؟
وحدك من يستطيع ان يجيب
ولو لم تكن تعلم فدعني اساعدك
مرآتك الناس حولك
أهل .. صديق ... زميل .. زوج .. حبيب .. إلخ
كيف يعاملوك ؟
أنت وحدك تستطيع أن تجيب
وقتها ستعرف هل تحب نفسك أم لا
لو كنت تحبها وتقدرها فلن تسمح لأي إهانه أو سوء تقدير من أي شخص مهما كان
تذكر معي دوما
إذا المرأ هان على نفسه لكان على غيرة اهونا
فلا تدع أحد يقنعك أنك لا تستحق إلا ما رماه لك من قليل العطف والإهتمام والإحترام
كن واثق أنك تستحق أكثر
ومن لا يمنحك الأكثر
فلا يستحق أن تمنحه شئ .. اللهم الا ما قد تمنحه لأي انسان يحتاج إليك

والآن دور القلب
هل تعتني بقلبك جيدا ؟؟
هل أنت حريص عليه ؟؟
هل تحميه ؟؟
هل تحبه ؟
إذا إياك أن تمنحه لمن لا يقدرة أو يستحقه .. وإذا فعلت وجاءك مجروح
فإياك أن تعاقبه .. فقط حاول أن تحميه اكثر .. وتعلم أن لا تضعه في قارب يغرقه
قالت لي صديقتي .. إن القلب كالطفل .. يلهو ويمرح ..
ونحن لا نستطيع ان نمنع طفل من أن يلهو ويمرح فقط نحميه
فإذا ما سقط وجرح نفسه
فلا نعاقبه
فهو طفل لا يفقه شئ
فقط نحتويه ونحميه اكثر
وأزيد انا
أن نحبه اكثر ونقدرة كما يليق به
وكل واحد أعلم بقلبه وما يستحقه
والآن أسأل
هل تثق في الله ؟
إذا ثق انه يحبك وكرمك ويريد ان تكون اقوى وافضل لتكن عبده بحق
فلا تسئ لنفسك وتمتهنها وتكسوها ضعفا وذل

والآن
قيم وضعك من جديد ... حاول أن تكون انسان اكثر ثقه واكثر حبا لنفسه

كل سنة واحنا هنا

2009-09-20T07:56:00.000-07:00

سلوى , L.G

كل سنة وانتوا طيبين وبخير دايما
كل سنة والناس اللى بتزورنا كلهم طيبين
واللى مش بيزرونا برضه يالا مش مهم عشان العيد وكده

انا قولت اعيد على المدونة اللى بقت شبه مهجوورة
اصلها جاتلى فى الحلم امبارح وفضلت تعيط تعيط تعيط
وتقولى بكره العيد يارحيل هتفتكرونى ولا هتفضلوا ناسينى
قولتها هحاول هحاول يمكن سلوى وال جى قلبهم يرق ويحن عليكى هبلغهم سلامك وعتابك
وما على الرسول الا البلاغ
اللهم بلغت اللهم فا شهد
انا ماشية بقى قبل ما حد منهم يجي ويطير ورايا
يخلعونى من هنا ويبلغوا عنى السرايا الصفرا
ههههههههههه
عيد سعيد عليكم جميعا
اه صحيح نسيت اقولكم مش عايزه خناق على الهدايا اللى فالصورة
اى نعم شكلهم مغري بس احنا مش اطفال
اعقلوا وتروى منك لها انا هفتحهم وابقى ابلغكم باللى فيها
اه بلطجة بقى مش انا اللى جايبة الصورة؟

حيرة

2009-06-23T09:48:00.000-07:00

وبعيدا عن افلام الخيال العلمي اللى بكلم فيها بقالي فترة وبعيدا عن احلام اليقظة اللى بنفوق منها على كوابيس الواقع نرجع شوية للواقع بس من غير كوابيس كفاية الكوابيس الليلية ونرجع للى المفروض انه يحصل رغم انى بكره كل ماهو مفروض وتقليدي
وبحبة منطق وبشوية عقل بس طبعا مش عقلي لان اساسا انا الحبة اللى كانو فاضلين عندى طاروا من زمان
هحاول افكر بشكل مختلف رغم يقيني اني مش هوصل للي يرضينى لكن وماله لعل وعسى ويمكن وجايز وميضرش برضه رغم انى عارفه اخر الحدوتة

من اول مبدأت اكتب هنا مع سلوى وإل جى وانا بفكر اتكلم عن جواز الصالونات ومن غير هجوم ولا انفعال ومعارضة حبيت اطرح الموضوع من خلال تساؤل هنوصله فى الاخر

لاقتنى بقولها فى حوار ساخن حائر ملوش مينا
هو احنا لما نحب حد نحبه عشان مفروض علينا نحبه ولا اصلا الحب هو اللى بيفرض نفسه علينا ؟
ردت وقالت بنحب الشخص لصفات جميلة فيه حنيته وطيبته حبه لينا
قولتلها ممكن منحبوش ولا نكره بس يكون عادي
قالتلى المهم الاستعداد للحب وللتغير والاستقرار من جوانا
قولتلها لازم يكون فى حب عشان يحصل التغير
قالتلى الحب بيجي بعد كده؟
طيب لو الحب مجاش بعد كده وفضل الاحساس انه عادي؟؟؟؟
سكتت شويه وقالت يبقى منكملش

وافتكرت حوار تانى كان بينى وبين واحده صاحبتي كنت بزورها لاقيتها جايبة ورقه وقلم وعامله حاجة اسمها تحليل سوت هو عبارة عن تحليل بيتعمل لما تكون قدام قرار ومحتار فيه بنكتب فيه نقاط القوة والضعف والفرص والمهددات كتبت هى طبعا المميزات اللى شافتها فى العريس اللى كان متقدم ليها والعيوب والظروف الخارجية اللى ممكن تهدد حياتهم او ممكن تكون فرصة ليهم وبتقارن وعمالة بتشرحلى وانا عندى زهووول مسكت الورقه وقولتها يابنتى اى حاجه تتحسب بالورقة والقلم الا الجوااااااااااااااااااز كونك توافقى او ترفضى ده راجع لانطباعك الشخصى و مشاعرك ناحيته مش ماسكه ورقه وقلم وبتحسبيها

طبعا هى لو كانت بتحبه عمرها ما كانت هتفكر كده لان اصلا هيكون فى استعداد انها تضحي وانها تتغاضى عن اى عيوب وتعرف كويس تتعايش معاها وهتكون على اتم استعداد انها تواجه اى تحديات معاه وده بيكون عيب فى جواز الصالونات ان اصلا بيكون الحد ده مش مهم قوي وبالتالي لما يحصل اى موقف حتى لو صغير مش بينفع نفوته لان اصلا مفيش دافع للاستمرار

حاسه انه بيكون فى فجوة بين الطرفين فى حالة انه جواز تقليدي لان محدش فيهم عرف التاني فى موقف وحياه قد ماعرفوا من كلام متزوق عشان الموقف اللى جمعهم
مش تعارف طبيعى وتلقائى يكون كل حد فيهم على راحته ومن غير ما المفروض انهم يحبوا بعض وان يكون ده شغلهم الشاغل وتكون المواقف مفتعلة لتحسين العلاقات او لانهم يقنعوا بعض انهم بيحبوا بعض

يعنى الصح ان الحب يتولد لوحده جوانا من غير منحس بيه يتسرسب فى روحنا فجأة نلاقى نفسنا حبينا
ولا نعيش نفسنا وهم الحب ونقنع نفسنا بيه واحنا اللى نخلقه بينا هيكون زى الطفل اليتيم اللى قررنا ان احنا نتبناه وبنحاول دايما انه ميحسش بغربة بينا وانه مننا ونيجى فى يوم غصب عننا نفتكر انه مش ابننا هنجرح نفسنا ونجرحه بس هيكون فات الوقت وكان م البداية الصح ان احنا نسيبه لحد ما يتولد لينا ابن من روحنا ساعتها لانه هيكون وليدنا مش هيهون علينا نجرحه فى يوم ولا نجرح نفسنا ؟؟؟

مش عارفة بجد بس عارفة انها بتختلف من شخصية للتانية ممكن ناس يناسبها جدا الزواج التقليدى وتنجح فيه وناس تانيه بيكون صعب عليها التكيف مع اى حد نفسيااات بقى نعمل ايه ههههههههه لالالالالا مش انا طبعا ده انا عاقلة جدا خالص اخر حاجة
------------------------------------------------------------------
هسافر تلات ايام كده اشوفكم لما ارجع ان شاء الله
ههههه باين كده والله اعلم انا خدت المدونة لحسابى ومن هنا ومن مكاني بنادى بعلو صوتي على سلوى وال جي المره جاية مستنية حد غيرى يكتب انتو لو سيبتونى كده الناس هتطفش م المدونة مانتو عارفين اللى فيها حد عاقل يكتب بقى كفاية جنان ع الناس

مرآتي

2009-06-06T11:03:00.000-07:00

ونكمل سلسلة الخيال العملي اللى بدأنا فيها

كان فى موضوع شاغلني من فترة تقريبا كان من اخر عريس تفضلت وتكرمت وتعطفت وواقفت انى اقابله نيهاهاهاهاهاهاهاهاهاها وطبعا طفشته كالعادة

المهم كنت كل لما اقول لحد ان سبب الرفض رغم انه حد كويس انى حسيت ان ميولنا وتفكيرنا مش واحد وان فى اختلاف فى اهتماماتنا يبصلي بتعجب وكأني يعنى بقول كلام غريب مريب ويبقى على طرف لسانه يقولى انتى هبلة يابت؟ و اوقات بتتقال طبعا لان فى ناس مش بتخلى فى نفسها حاجة ودول قريب انا هقطع علاقتي بيهم فكل واحد يخلي باله من كلامه معايا بعد كده هههههههه

وكان فى ناس شايفه انه ايه المشكله ان تفكيرنا وميولنا مش واحده طالما حد كويس يعنى هو حد لاقي عرسان ؟ وبعدين ميول وايه وتفكير ايه اللى انا بقول عليه؟ ايه الكلام الفاضي اللى بقوله ده ؟ اهو عريس كويس وفى الاول والاخر المهم ان يكونلى بيت واسرة واطفال واعيش وخلاص مكل الناس عايشة والبنات بتجوز من غير ما تفكر فى الكلام الفاضى اللى انا بقوله ده

وناس تانيه كانت شايفه ان اصلا بعد الجواز مش بيكون فى وقت لموضوع الاهتمامات والهويات او ان حتى يكون فى فرصة انى اعمل حاجه انا بحبها لوحدي عشان اصلا يبقى فى وقت انى اعمل معاه حاجه مشتركه بينا بنحبها احنا الاتنين طالما اتجوزت خلاص بقى فكني من الحورات بتاعة البنات الفاضين اللى انا بفكر فيها

واراء اخرى كانت بتقول ان بالعكس التشابه فى الميول والاهتمامات بيولد الملل بين الزوجين وان لما يكون فى اختلاف بينهم ده ظاهرة صحية عشان التجديد على أساس ان كل حد يكون فى وادي مع نفسه ههههه حتي منعا للمشاكل والخلافات الناتجة عن الحوار المشترك واهو كله مصلحة وكده يبقى فله على الأخر

وانا بكلم مع سلوى من شويه قالتلى لازم يكون فى حد ادني من التفاهم والتشابه ولما قولتلها ان المفروض الزوجين بيكونو مرايات بعض وانهم انعكاس لبعض وانى شايفة ان التشابة لازم يكون حد اقصى مش حد ادنى عشان يقدروا يتحملوا انهم يقضوا سنين عمرهم سوا على الحلوه والمرة ردت رد منطقى وواقعي جدا مفيش حد تؤم حد

ولاني عايزه حد تفصيل ولان البوست ده خيال علمي زى ماحنا متفقين مقتنعتش لان مقتنعه بحاجة واحده ان التشابة والتؤام بين اى اتنين هيرتبطوا امر ضرورى جدا كلامهم تصرفاتهم اتجاهتهم هوايتهم تفكيرهم خصوصا لما يكون زواج تقليدي يعنى اصلا مفيش بينهم حب يدوب كل العوائق والصعوبات اللى ممكن تقابلهم واللى ممكن تكون ناتجة عن اختلافات فى التفكير

من هو الرجل الذي لا تنساه المرأة

2009-05-20T11:17:00.000-07:00

يمرّ على الإنسان أشخاصٌ عديدة إلا أن فئةً خاصّة من هؤلاء الأشخاص تبقى عالقةً في الذهن. فربما يتذكر الرجل فتاةً قابلها منذ فترة طويلة، ولم ينجح الزمن في إزالتها من ذاكرته، لجمالها الخارق، لتميزها الجذاب، لكلامها العذب، لابتسامتها الرقيقة، وربما لشخصيتها الفكاهية الضحوكة، وكذلك الأمر بالنسبة للمرأة فهي لا تنسى بعض الرجال الذين تقابلهم فتش عن الرجل الذي لن تنساه المراة؟؟ هو
1- الرجل الذي يكون كريم في عواطفه ويده ويهبها الأمان والحنان
2 - اللين في تعامله الرقيق في مشاعره، القوي الشخصية بلا غرور الواثق من نفسه
3 - الذي تشعر وهي معه برجولته وأنوثتها.
4 - إذا تحدث تنبهر من أسلوبه وحسن حديثه ولا تمله.
5 - الذي يدللها ويرويها عشقاً.
6 - الذي يتقن فن النظرات تجاهها.
7 - الذي يقدر إحساسها ومشاعرها ويحن عليها وقت حزنها وألمها.
8 - الذي يستمع لها، يقدر رأيها، يطلب مشاركتها ويحترم رأيها.
10 - الذي يفضلها على نفسه، في بعض الأمور.
11 - الذي إذا كانت أخطائها بسيطة يسامح ويعفو عنها.
12- الذي يكون غيور عليها بدون تحكم أو تسلط.
13 - الذي يحتمل تقلب مزاجها ويشاطرها المزاح والضحك.
14 - الذي يفرح أذا فرحت ويحزن أذا حزنت ويقف معها سندًا لها.
15- الذي تشعر انه يحتاجها في كل لحظة.
16- الذي يفتخر بها ويراها في عينه غالية جوهره ثمينة.
17- الذي تهبه عمرها لثقتها به وتعتمد عليه.
18- الحار في عواطفه الذي تشعر معه دوماً أنه لا يرى غيرها.
19- الذي يكشف لها أسراره ويشركها في همومه.
20- الذي ترى دموعه ولا يخفيها عنها.
21- الذي يشعرها أنها ملكت فؤاده وعقله.
22- الذي يطرب مسمعها بكلمات دافئة مليئة بالحب و الغزل

لحد هنا الكلام ده منقول من هنا
----------------------------

طبعا مش محتاجبن اقولكم ان الكلام ده بقى هو اللى خيال علمى بجد لان اصلا ملوش وجود فى حياتنا ولان اصلا مشاعر كتير بقت مزيفة وان حتي لو فى بعض النقاط اللى فاتت مو جوده فاستحاله انها هتكون كلها متجمعه فى شخص واحد لان اكيد لو اى بنت او اى امرأه وجدت الصفات دى فى راجل بكل الصدق مش هتلحق ياعينى تتهني بيه لان هتكون ماتت اثر ازمه قلبيه حاده نتيجة ان اخيرا لقت راجل بالمواصفات دى ورفقا بكل النساء فالرجاله قرروا انهم مش يتحلوا بالصفات دى وانهم يطلعوا عين الستات عشان يضمنوا وجودهم فى الدنيا هههههههههههههه

حلم امرأة

2009-05-03T11:34:00.000-07:00

عندما قرأت كلماتها الرقيقة اثارت بداخلي الكثير من المشاعر وودت لو كتبت فى صفحة تعليقها الكثير والكثير لكنني أحسست أن تلك الكلمات مكانها هنا فى مدونة انها انا لانها كلمات تخصنا جميعا
كتبت تقول فى قصتها

(أمنت منذ نعومة أظافرها بأن جمال الأنثى فى عقلها وذكائها وتفكيرها ولم تكن جميلة بقدر ما يكفى لتتخلى عن هذا المنطق) منقول من مدونة درما لخلود صلاح
واثارت بداخلي تساؤلات كثيرة حول ماهية الاشياء التى قد تجعل من أى أنثى سعيدة وهل تكمن حقا بعض السعادة فى كونها جميلة بعض الشئ ؟ او انها ذكية ؟ او انها ناجحة فى عملها ؟او كونها فتاه محبوبة من الجميع ؟او كونها حققت طموح كانت تبغاه طريقا لها؟
فكم من امراة جميلة تعانى وحدة او قسوة مجتمع يحملها مسئولية انحراف كل شاب او مضايقات لاتنتهى, وكم من امرأة ناجحة فى عملها وتعانى ايضا وحدة وقسوة مجتمع ينظر اليها على انها فتاة ذات طابع خاص فتقيم حسب طبيعة عملها ونجاحها, وكم من امراه طموحة وجدت نفسها وحيدة بعد صراع مع الايام لتحقيق ذاتها, وكم من امرأه ذكية ظنت انه بذكائها تستطيع ان تملك زمام امورها فأتت الاقدار عكس ما خططت فانهارت احلامها, وكم من امرأه محبوبة من الجميع لكنها تفتقد لوجود رجلا من اجلها وحدها بجانبها
لا اعلم لماذا حين سرحت كثيرا فى امور الكثير منا كفتيات اختلفنا في البيئة والدراسة والعمل وتفاوتت بيننا الاعمار الا اننى حين فكرت لم اجد ان هناك ما قد يجعل المراة سعيده حقا مستقرة امنة سوى وجود زوج يفهمها بعمق يقرأ ما في عيناها من حوار يسمعها فى صمتها يمنحها دفئا وحنانا فلا تحتاج لأحد غيره فيكون وحده هو كل دنيتها قادر أن يحتوى كل أحزانها وحده لديه القدره ان يهدئ من حيرتها ويطمئنها تجد فى حضنه ملاذا حين تهرب منها دمعاتها حين تقسو الايام فيكفيها انها معه وانه يحمل عنها اعباء الحياة
رجلا بكل ماتحمله الكلمة من معانى تشعر معه المرأة انه وطنها الوحيد
ذلك فقط ما تحتاجة اى امرأة لتبقى سعيدة

وفى النهاية تذكرت بيت شعر نردده دائما

ليس كل مايتمناه المرء يدركه و تجري الرياح بما لا تشتهى السفن

فقد تضطرنا الاقدار للسير فى طرق عكس التى حلمنا بها وتمنينا ليبقى كل شئ فى نهاية الامر قدر ومكتوب فى علم الغيب

ومن أول فبراير هكون إنسان وحيد

2009-02-15T06:21:00.000-08:00

من أول فبراير هكون إنسان وحيد

وهييييييييييييييه

والآن مع الجزء الثاني من الحكايه .. والفتاه الأخرى

لن أسرد كلمات

فقط أترككم مع هذه القصه

**************

لم تكن تعرف من عالمها غير تلك الجدران التي تحيا خلفها بإرادتها الكامله
كانت تحيا في عالم خاص من صنعها .. كانت وحيده لكنها سعيده
تستمد قوتها من إئتناسها بالله .. وانتظارها لذاك الفارس
الذى كلما سؤلت عنه
أجابت : سوف يأتي إلي هنا بنفسه
سوف يهديه الله لطريقي .. حتى يجدني
كانت سعيده بتلك الفكرة وكانت أيضا تحيا بها
ومرت الأيام والأعوام
وسمعت طرقا على بابها
لم تكن لتفرق هل الدق على الباب أم على قلبها ؟
عرفت أنه هو
فتحت له الأبواب
مد يده ليخرجها من هذا العالم الصغير
وبلا خوف أو حذر .. سلمت له يدها وسارت معه مغلقه العينين
فهي لم تشعر بالأمان هكذا من قبل .. ولم تثق في أحد مثلما تثق فيه
سارت معه سعيده .. لكنها لم تعتاد السير لمسافات بعيد عن عالمها
لذا كانت دائمه التعثر
وكان سرعان ما يمد يده ليلتقطها من عثرتها
كان صبور معها فهو يعلم أنها لم تعتاد الأمر ولم تعتاد البشر
وكانت هي تتعلم من تعثرها .. وكانت تتعلم منه .. وتعلمها كان يزيدها ثقه فيه
لكنه تعب من كثرة تعثرها أو مل منه فراح يعنفها ..لم تتحمل
لم تتحمل أن ترى منه .. ومنه هو بالذات تلك القسوة
تركت يده
و
ترك يدها واختفي
واضطرت لأن تفتح عينيها لتبحث عنه
ولأول مرة تعي ما هي فيه
ولأول مرة تكتشف الزحام الذي كان دوما يصيبها باختناق

فكانت تهرب منه
ولأول مرة تكتشف ما وصلت إليه
نظرت حولها يمينا ويسار لم تجده
لم تعرف ماذا تفعل ؟ أو إلي أين تذهب ؟
فقط شعرت بحزن لم تألفه من قبل
حزن أصابها بالصمت
فكرت أن تبحث عنه وتلحق به
لكنها رأت الواقع
نعم
لقد انتظرت طويلا هذا الفارس .. وعندما جاء .. كان العمر قد مضى
حقا لقد أضاعت عمرها في الإنتظار والبعد عن العالم
وليس من العدل أن تحمله نتيجه أخطائها تلك
ليس من العدل أن تطالبه أن يسبح معها في عالمها الخيالي
وتلفتت مرة أخيره

فوجدته هناك
لكنها
بقيت في مكانها .. وآثرت أن تتابعه من بعيد لترى نجاحاته ولتسعد بها
ليس من الضروري أن تشاركه إياها
لكنها على الأقل ستفرح له
ورأت أن تكتفي بأنه تجمعهم نفس الأرض التي يسعون فيها
ونفس السماء التي تظلهم
ونفس الهواء الذي يمنحهم أنفاسهم

ومن أول يناير هكون إنسان جديد

2009-01-11T07:25:00.000-08:00

ب
كل يوم مشاكل مشاكل
حاجه تزهق ؤ انا زهقت خلاص
مكنتش دى خطوبه اللى تعمل فى الواحده كده
ح
إيه بس اللي حصل هو إنتي لحقتي
ب
كل يوم مشكله
على الخروج واصحابى
حتى النت بقى مشكله
والسفر
وعلاقاتى بقرايبي
ح
مجرد الخروج والأصحاب والنت مفيش فيهم مشكله المهم بنستعمله إزاي وفي إيه
ب
هو مش قادر يفهم ده
كام مره افهمه اقوله انى مش بعمل حاجه غلط
وانى بعمل احترام لوجوده فى حياتى
لما خلاص مش قادره أتحمل
ح
برضه هو عايز يحس بأمان
ب
يحس بامان ايه انتى محسسانى انى بخونه ولا بعمل حاجه غلط
ح
لا مش بتعملي حاجه غلط
بس إنتي كمان مش حاسه بأمان
إنت بتدوري على طريق تمشي فيه .. مكان ترتاحي فيه .. وعماله تخبطي هنا وهناك
ب
هو مش فاهم ده
ح
ولا الخروج ولا السفر ولا الأصحاب حققوا لك ده
ب
كل اللى بيفكر فيه ازاى يتحكم فيه وبس
كل حاجه غلط وميصحش وعيب انتى بنت
ح
شوفي يا ب العزيزه
في راجل ممكن يحب أوى ولو شاف زوجته بتغلط أدامه يغمض عنيه ويسامح علشان ما تبعدش

عنه .. بس ده حب مش سوى

وفي راجل يحب بس عايز يحس بأمان مع اللي إخترها ويحس إنها بتحترم رجولته
خطيبك ماقدرش أقول إنه غلط
لكنه ببساطه مافهمكيش
ماعرفش البياض اللي جواكي
ب
لأ هو لو كان حبنى كان اكيد فهم
ح
مش عارفه حبك ولا لأ
اللي أعرفه إنه خاف
لو كان فهمك صح وعرف إنك نقيه وإن تصرفاتك دي نتيجه لتوهان نفسك وحاجتك للإستقرار
كان صبر وكان وقف معاكي
وكنتي من نفسك هتقللي من التصرفات دي
لأنك ببساطه هتكوني وقتها لقيتي الأمان والمرسي اللي كنتي بتدوري عليها

أي راجل في الدنيا لو فهم إن أي بنت ممكن تعمل اللي هي عايزاه وممكن تغلط ومفيش مخلوق

يعرف .. وكمان تفضل أدام الناس ملاك
كان قدر يفهم إن ما يحكمش بالمظهر
ب
الثقه معدومه بينا
ح
لا مش مسأله ثقه
لكن خوف
وما أقدرش ألومه
ب
مهو الخوف عشان مفيش ثقه
لو كان واثق مكنش خاف
ثقه فى نفسه قبل ما يكون فيه
ح
لأ .. هو واثق في نفسه وواثق فيكي .. بس خاف من التصرفات دي لأنه ما فهمهاش ومافهمكيش
وبدل ما يتعب نفسه معاكي .. يروح ببساطه يخطب واحده جاهزة زي ما يحب
إنتي كمان ما تنتظريش إن كل الناس تفهم تصرفاتك صح
لأنها علشان تفهمها صح
لازم تعرفك أوى
وتعرف إنك بنت نقيه مش بتعمل شئ غلط
وما تنسيش إن رسولنا الكريم قال
صلى الله عليه وسلم" اجتنبوا مواطن الشبهات

ب
مهو انا للاسف تخيلت انه يعرفنى قوى
بس اكيد كان مجرد وهم
يعنى انا هعيش زى مالناس عايزه
كل حرف وكل كلمه وكل تصرف هعمل حساب الناس فيه

ح
لأ طبعا
لكن لازم يكون لك سقف .. حدود مش تعديها .. الحدود دي أهمها الدين
واسمحي لي أسألك
إنتي راضيه عن اللي إنتي فيه ؟
ب
مش مساله راضيه لا ولا لأ
بس
ممكن يكون فراغ
ح
ده مبرر يعني لتصرفاتك .. الفراغ
طالما بتبرريها يبقى مش مقتنعه بها
ب
مش بغلط صدقينى
ح

ده أنا متأكده منه .. وبرضه خدي بالك الغلط نسبي من مكان لمكان

ومن بيئه لبيئه

يعني في مكان ممكن البنت تسهر بره البيت ل10 مساء

وفي مكان البنت المغرب ما يأذنش وهي بره

المهم
السبب بقى سواء كان فراغ .. أو لسه مش لاقيه نفسك
أو بتدوري ع الأمان وهدوء النفس
الأسباب كتير لكن المهم إنك أكيد عايزة ترتاحي .. إنتي عامله زى حد بيجري لمسافات طويله من غير

راحه وأكيد نفسك ترتاحي
لو خطيبك فهم ده
وقدر يديكي ده
كنت هترجعي لنفسك
رغم إنك مش بتغلطي وأنا متأكده من ده
ب
هو حد كويس
بس مستعجل دايما
عايزني أتغير فى يوم وليله
ح
لو كان صبر وحس اللي جواكي
كنتي مش هتحسي إنك محتاجه كل الأصحاب دول ولا كل الخروجات دى ولا كل الغربه اللي بتتغربي فيها

وكنتي إكتفيتي بالأمان اللي هتحسيه معاه
ب
معاكى اكيد
بس تفتكرى كنت هستحمل حياتى بالشكل ده
من غير كل الناس
ح
إنتي بتدوري ع الناس علشان تتوهي بينهم
تنشغلي بيهم
تتوهي في مشاكلهم وتنسي نفسك
أنا مش بقولك إنعزلي عن الناس
لكن كل شئ بقدر
لا إفراط ولا تفريط
إحنا عايشين كلنا بين الناس
لكن كل شئ بحدود
ب
لما بيعمل كده الوقتى اومال بعد كده هيعمل ايه
ح
هو مش القضيه
لأنه ببساطه ما عرفكيش صح
إنتي القضيه
جايز لمروره في حياتك حكمه
وهي إنك تعرفي إيه محتاج تغيير في حياتك وإيه مش محتاج
مش لازم دايما نتغير علشان حد
المهم نتغير علشان نفسنا
علشان لما نحط راسنا ع المخده نحس براحه مش قلق
إنت حد كويس من جوه
ولازم ده يظهر بره كمان مش علشان حد
لكن لأنك تستاهلي ده
وجديره به
ب

عارفه ان كلامك صح
ناس كتير بتنتقد أفعالي وتصرفاتي خروجى وسفرى الكتير طموحى واحلامى بحجه انى بنت

رغم انهم شايفين انى حد كويس والحمد لله كلهم بيحترمونى مش عارفه هو التناقض فى مين
ح
عزيزتي
لأنك بنت ..فأنت شئ غالي .. إنت قاروره .. الإسلام كرمها وحافظ عليها .. ولازم تحافظي على

الصورة الجميله دي ..
لازم تهدي شويه .. بلاش تنطيط وتوهه بين الناس .. ده مش حل .. الحل إنك تواجهى وتكوني إنسان

جديد .. وفرصه أدينا في يناير على رأي شعبوله ..:)

انا فعلا حاسه انى محتاجه اتغير واستقر

وابدأ صفحة جديدة فى حياتى تعبت من التنطيط والخروج

بس اهو الواحد بيلهي نفسه فى وسط الزحمه بيتوه فيهم

جايز بس كنت دايما محتاجة لحد يكون سبب فى ده عشان استغنى بيه عن اى حد

بس من الواضح ان كلامك صح لازم الواحد لما يتغير يتغير عشان نفسه مش عشان حد

محتاجه لوقفة اكيد .... ما علينا
قوليلى بقى انتى خطوبتك باظت ليه
مع إنك قافله على نفسك ولا أصحاب ولا خروجات
ح
لااااااا أنا شئ تاني بقى
ونكمل المرة الجايه بقى
بس ياريت نكون لسه في يناير علشان ألحق أكون إنسان جديد
:)

ملحوظه : ده حوار عن بنتين ممكن يكونوا موجودين في أي مكان

مش بالضرورة نكون إحنا يعني :)

لكن حبينا نعرض نموزجين لبنات موجودين بينا

هذا للعلم وشكرا وياريت كل واحد يقف مع نفسه واقفه كده

ويشوف في إيه محتاج إنه يغيره في نفسه ليكون إنسان أفضل

انثى رغم انف الجميع

2008-12-24T05:19:00.000-08:00

وستبقى كل أنثى رغم كل ما قد تظهره عكس أنوثتها من قسوة وجفاء أحيانا أنثى رغم أنف الجميع ورغم أنفها هى أيضا سيظل بداخلها دوما رقة متناهية وحب يملأ الكون وحناناً يفيض على الكل وإن خبأته بداخلها لسبب أو لأخر

ومهما نادت بتلك المساواة المزعومة فسيبقى الرجل رجل والأنثى كائنا رقيقا مهما تخشنت فى مظهرها أو معاملاتها فحين هي تخلو لنفسها تجدها تتحرر من كل تلك الأقنعة التى ترتديها من أجل أن تحمى نفسها من قسوة الحياة أو من هؤلاء الذين لا يتعاملون معها إلا لكونها امرأة يرضون بها نزواتهم وغرورهم وسطوتهم وشرقيتهم

قد تكون التربية لها دخل فى هذا لأن المرأة تتربى منذ صغرها فى مجتمعات كثيرة على أنها مطمع للجميع فيربون بداخلها خوف رهيب من المجتمع الذى يتربص لها ولكل ماتفعله وهنا يكبر بداخلها أن سبب تلك النظره لها انها أنثى فتلجأء للجفاء والقسوة والجدية المبالغ فيها وهى بداخلها بركان من المشاعر الرقيقة

لكن إذا ماشعرت تلك المرأة من صغرها أنها تحيى فى أمان وأن الكل يحترم أنوثتها ويتعاملون معها من منطلق شخصيتها التى تمثلها هى ودورها فى مجمتعها حينها لن تخجل امرأة أن تتعامل بطبيعتها دون جفاء وأقنعة ليست لها لأن هذا هو دورها وهى مهما بلغت من قوة ظاهرة فهى كائن ضعيف يحتاج دوما لمن يستند إليه تحتاج لمن يحمل عنها أعباء الحياة تحتاج لمن تشعر معه بأمان وسلام

وهذا بلا شك دور أى رجل فكل منا خلق لدور ما حدده ديننا ، ووصى بالنساء رسولنا الكريم ووصفهم بالقوارير

وبعيدا عن كل الهتافات والشعارات فليس هناك دين كرم المرأة واحترمها كديننا الإسلامى لو فقط طبقنا ما به عن فهم وليس كما يفعل البعض ترديد لنصوص واخذ الظاهر منها والتشدد في فرعيات بعيدا عن الاساسيات فى المعاملة

لو حدث هذا لكنا الان من اكثر الدول احتراما للمرأة وتقديرا لها فقد لو قومنا بتربية أبنائنا بشكل صحيح

جميل أن تتربى البنت من صغرها قادرة على أن تتحمل مسؤليتها وقادرة على مواجهة الحياة وحدها فاليوم نحتاج لهذا فالمرأة تدرس وتعمل وتسافر لذا عليها ان تكون امرأة بمئة رجل حتى لا تكون مطمع وعرضة للمضايقات وحتى تكون على إستعداد تام لمواجهة أى تحديات تجد نفسها أمامها وهناك الكثيرات اللاتى أثبتن حسن تصرفهن فى مواجهة الحياة و ليس معنى هذا ان تنسلخ المرأة عن أنوثتها أو أنها رافضة لها فقط إنها الحياة هي من تصنع الطريق الذى نجد أنفسنا فيه رغما عنا ولكن بالرغم من تلك الظروف التى تجبرنا عليها الحياة أوقات والتي تجعلنا نرتدى ثوب ليس لنا ستبقى كل أنثى أنثى رغم أنف الجميع

التكة الاولى

2008-10-30T08:10:00.000-07:00

اولا تم تغير اسم المدونة لهمسات

ثانيا سلوى وال جى راجعين راجعين ان شاء الله

مهو ياهما يرجعو يامشى انا كمان ونسيب المدونة تهوي

ثالثا بقى انا مش عايزه حد يقول علينا مجانين

لان احنا مش محتاجين حد يقول علينا مجانين

احنا عارفين ده كويس جدا منغير محد يقول

ثالثا بقى قصدى رابعا ركزوا معايا

موضوعنا النهارده وهو عن التكه الاولى اه والله المذيعة كانت بتقول كده

اصل انا الاسبوع اللى فات وانا راجعه من الزقازيق للمنصورة كان السواق مشغل راديو وفى كانت المذيعة تتحدث عن التكة الاولى

ايه بقى هى التكه الاولى النظره الاولى ياجماعه اه يانى من النظرة الاولى

وفضلت بقى المذيعة تستقبل رسايل ومكلمات المستمعين بيحكوا فيها عن نظرتهم الاولى لبداية حبهم الاذلى

اه وكمان الكونتاكت بتاعهم كان اغنية ايه مهو طبيعي بقى لازم يكون فى موسيقى تصويرية للحظات الخالدة دى

وخدوا عندكوا بقى كل مايتعلق بالنظرات

من بعتلى نظره بعتله

والنظره الاولى

وكان يوم حبك اجمل صدفة

واول مره تحب ياقلبي

وطبعا انا حسيت ان جالى الضغط مش عارفه ليه

مع انى مقتنعه تماما بالحب من اول نظره

ومؤمنة تماما بلغة العيون وانها ممكن توصل اللى اللسان يعجز عن توصيله

بس بجد لالالالا كان هيحصلى حاجه جايز كنت مضايقه من الناس اللى عماله تستظرف وتتصل وتحكى

اصل الحب والمشاعر واللحظات الجميله بتكون اكبر بكتير ان احنا نحكي عنها

فى لحظات بجد قد ايه بتكون فى منتهى الروعة وكلامنا بيقلل من قيمتها واللى قدمنا مش بيحسها بنفس احساسنا عشان كده ممكن تبان انها مش مهمه اوشئ ساذج وعادي

يمكن عشان كده انا حسيت ان الكلام سخيف رغم اني مقتنعه تماما بالتكة الاولى اقصد النظرة الاولى ومالها من تأثير بيغير مجرى حياتنا كلها

المهم بقى ان فى حد من معدين البرنامج تقريبا بعت يسأل المذيعة عن اثر التكه الاولى فى حياتها فقالت انها هتختم بيها الحلقه بتاعهتا وللاسف الشديد ان احنا وصلنا المنصوره قبل نهاية الحلقة ومعرفتش حكاية التكة الاولى للمذيعة صاحبة الافكار العبقرية

همسات

2008-10-29T07:34:00.000-07:00

أولا أعتذرلعزيزتي إل جي لأني عندما قرأت البوست السابق لها لم أملك سوى
أرفعه من المدونه وجعله درافت .. لحين أن أناقشها فيه
وأبت هي إلا أن تنشره مرة أخرى
البوست ذو كلمات قاسيه جدا .. كلمات توجع بحق لذا إعتقدت أنه من الأفضل أن يكون محور حديث بين

الأصدقاء فهو خاص وليس للنشر ع النت
لما إعتقدت ذلك ؟؟
لأني تخيلت ولك أن تتخيل معي فتاتان قرأتا هذا البوست
إحداهما في العشرين والأخرى في الثلاثين
ماذا سيكون وقعه عليهم ؟؟
أعتقد وأترك لك أيضا التخيل
أعتقد الآتي
العشرينيه .. التي كانت تنتظر الفارس المغوار على حصانه الأبيض
الفارس مثالي الأخلاق .. الذي ربما تراه كميل جيبسون في القلب الشجاع :)
هذه الفتاه
ستفكر الآن ألف مرة قبل أن ترفض إنسان تقدم لها فهي الآن تخشي أن يمر بها العمر وتصل إلي نقطه
تكن فيها وحيده ... ربما توافق على أي شخص خشيه ذلك
تلك الفتاه أود أن أقول لها
عزيزتي .. يا من تنتظرين الفارس الذي تجتمع فيه كل الصفات
ليس هناك هذا الفارس إلا في خيالك أنت
ولتنظري لمن يتقدم لك بنظره أخري
فربما كان هو الفارس الذي تنتظرين
هاتي قلم وورقه وعددي إيجابياته وسلبياته
متى رجحت إحداهما فليكن قرارك
لكن إياكي أن تضيعي العمر في انتظار ملاك لا يخطئ

أو تقبلي بأي أحد خوفا من أن يضيع العمر وتبقي وحيده
ولتبني حياتك مع بشري ويكفيكي أن يكون إنسان بحق يتقي الله فيكي
نأتي للثلاثينيه
التي ربما إذا قرأت البوست كرهت نفسها .. وقالت ليس هناك أمل أو طريق
لماذا يحدث هذا لي ؟؟
وربما قرأ نفس الكلام رجل في الأربعين مثلا لم يكون أسره بعد
أعلم أن الأمر يختلف قليلا .. فالرجل يستطيع أن يكون أسره في أي عمر
فالكثير يقيمون الرجل بما يحمله جيبه :)
ولكن ماذا لو كان فارغ الجيوب
ربما شعر باليأس أيضا
لماذا الشاب الأربعيني والفتاه الثلاثينيه سيشعرون باليأس؟؟
أعتقد لأن البوست كتب في لحظه يأس وما يخرج من القلب يعرف طريقه للقلب
وأري أنهم لا يجب أن يشعروا باليأس ابدا
لأن الأرزاق موزعه بالتساوى .. ليس هناك من أخذ كل شئ ويملك كل شئ
من كام يوم جرحت أحد أصابعي بالسكين ونزف كثيرا ولم أستطع أن أستخدم يدى
وفكرت فيمن أصيب بشلل رباعي مثلا
الذي قد لا يستطيع أن يحك جلده إذا أراد
هناك من لا يستطيع أن يذهب إلي الحمام بمفرده
يااااااه ... الحمد لله كثيراااااااااااااااااا على ما نحن فيه
ربما نحزن لتمنينا تحقيق شئ ولم يتحقق
ربما نضيع العمر في انتظار شئ قد يأتي وقد لا يأتي وقد يأتي ويرحل
فنشعر بالألم والندم .. اشعر كما تريد أن تشعر .. لكن أبدا لا تيأس
فهناك حكمه لا تدركها .. وهناك خير فيما أنت فيه يعلمه خالقك
وربما هناك إبتلاء ستثاب على صبرك فيه
أنسيت أن أمر المسلم كله خير
فيما رواه مسلم قول النبي صلى الله عليه وسلم :
" عجبا لأمر المؤمن "
إن أمره كله خير
وليس ذلك لأحد إلا المؤمن
إن أصابته سراء شكر فكان خيراً له
وإن أصابته ضراء صبر فكان خيراً له" . "
فابتسم واحمد الله مهما كان حالك فأنت في نعمه كبيره فحاول أن تدركها

ملحوظه هامه : أنا غيرت اسم المدونه .. إلى همسات بلاش كلام البنات دي :)

أو غيروه زي ما تحبوا
أستودعكم الله الذي لا تضيع ودائعه سعدت كثيرا معكم

ساتنحى

2008-10-22T14:35:00.000-07:00

السلام عليكم ورحمة الله وبركاته

أتنحى

نعم لقد قررت أن أتنحى من مدونة كلام البنات

مبدئياً لأني أعتقد أني الآن بنت عجوز

الصمت عنواني ولا أجد ما أتكلم عنه

ليس لي حياة عاطفية

ولا حياة عملية

ولا عائلية ولا صداقات

الحب نسيته والعمل لا أجده والعائلة كل مشغول بحاله

والأصدقاء تساقطوا في رحلة الخريف الذي زحف على حياتي فأتى على أوراقها الخضراء

أستودعكم الله

عايـزة أتجـــوز

2008-09-11T17:14:00.000-07:00

لماذا أتزوج

السلام عليكم .. وعدت سابقاً بالكتابة بروح المرح والفرح في تلك المدونة ولو أن ذلك عسير بعض الشئ فقلت لنفسي على الاقل أخفف جرعة المرارة التي يتسم بها كلام البنات

دائماً أفكر لم الزواج والارتباط محور حياتنا .. بنات وشباب . وجدت الاجابة بالنسبة لي واضحة وضوح الشمس . أريد أن أكتمل .. نعم أشعر دائماً أني أفتقر لشئ مهم جداً في حياتي . منذ صغري لم أكن أبداً أحلم بالشهرة أو المال أو المركز العلمي .. كان كل تركيزي في الحب
نعم الحب كل شئ نفعله .. كل تضحية نقوم بها .. كل مجهود يبذل يكون بسبب الحب . أتدري المقاتل في الحرب يضحى ويستبسل إن لم يكن بالفعل يحب بلده ؟؟ أترى الشاب يرهق نفسه ويسافر ويغترب ليكون نفسه ليتزوج إلا لأنه يحب حتى ولو كان يحب نفسه ويريد لها المتعة الحلال . أترى العالم يسهر ويتعب سنين إلا حباً في العلم وفوق كل ذلك حبنا لله الذي ينتج عنه حب الدين والاهل والعلم والوطن
نعم أحب أن أحب
عن نفسي أرى محور حياتي الأساسي الارتباط فهو خير متاع الدنيا إن صلح الاختيار وكان التوفيق من الله فإني أتصور أن الزواج بدون حب كخلط الماء بالزيت مهما حاولت ينفصلا ثانية .
لم أريد أن أتزوج ؟ لأجد من يعولني مادياً .. لا فهذا متوفر لي حالياً لكي أرزق بالأطفال .. لا أظن لأن الزواج من أي شخص كان سيوفر الذرية بإذن الله

إذاً لم الزواج ؟
الموضوع السابق للعزيزة رحيل عن مصارحة العريس بما سبق من أحداث عاطفية بالحياة ومداخلة المدون

الصاوي بأنه يفضل قطة مغمضة أو بنت بلا تجارب عاطفية جعلتني أفكر ؟؟ كذلك موضوع سلوى عن مواصفات العريس الذي تتمناه الفتاة
جعلني أرى ما أريد .. أريد رجل يهش وجهه عندما يراني .. يراني أكمله كما يكملني هو .. يأكل معي ويضحك معي ويحزن معي .. أكون سكنه وملجأه من البشر عندما يفكر أسمع أفكاره.. عندما يصمت أسمع كلماته .. لا يحتاج للحوار معي لأعرف ما يلم به .. أكون سنده وعزوته وقوة له متى احتاجها ويكون لي أمان عاطفي وديني يشد أزري ويجبر كسري ويلم شعثي ويمسح دمعتي .
أريد من يشاركني اللحظات .. كل اللحظات . أن تكون حياتي سابقة ولاحقة هي حياته سابقة ولاحقة يعرفني كما اعرف نفسي وأعرفه أكثر مما يعرف نفسه .
كانت لي زميلة تسرع الخطى بعد المحاضرة شوقاً لزوجها .. شخص مهما رأيت من أجمل منه يكون زوجي في عيني .. مهما رأيت أغنى منه يكون غناي في لمسة من يديه .. شخص لا أهنأ بأي من مباهج الدنيا إلا إذا شاركني فيها .. لا يلوم علىّ حب جاء قبل معرفته .. فكل ما يكون قبله فهو كزبد البحر
صدقت كثيرا غادة صاحبة مدونة هذه رقصتي أنا عندما قالت الطبخ فعل حب .. كانت لي صديقة تخبز بالمنزل الخبز حباً في زوجها . زوج أتمنى أن أرى أولادي على خلقه
لا خير في زواج لمجرد تغيير الشكل الاجتماعي أو رضاءاً للأعراف والتقاليد .. ولكن كل الخير في زواج السكن والمودة والعاطفة الطيبة .
الرجل بدون المرأة قوة معطلة .. والمرأة بدون الرجل حديقة بلا أزهار
سأل رجل رسول الله صلى الله عليه وسلم : ( في زمن الفتن ) ما النجاة يا رسول الله . قال صلى الله عليه وسلم : إبك على خطيئتك وأمسك عليك هذا – اللسان – وليسعك بيتك صدقت يا رسول الله

.
يسعك بيتك لا أن تضيق به وبمن فيه وعلى المتزوجين بالفعل وإن لم يكونوا متحابين أن يتحابوا في الله فمن يرى من زوجته خلقا لا يحبه يسألها برفق أن تتوقف عنه على أن يتوقف هو عن خلق لا تحبه هي فيه . كيف يطيق الزوج والزوجة أن يتشاحنا وإن فعلا فليعودا بسرعة للمودة
وطريق المودة التواصل كلوا معاً صلوا معاً شاهدي معه ما يحب ويشاهد معك ما تحبي .. الزواج شئ جميل نحن لا نختار آباءنا ولا أولادنا ولا جيراننا ولكننا نختار الزوج أو الزوجة لأنه رفيق
وكما قال المثل اختار الرفيق قبل الطريق لأنه أكبر معين أو أشد معوق لك في طريق الحياة .

أما نظرية قطة مغمضة فهذا شرحه يطول وأنا الليلة مشغول ...

..
تزوجوا وتخيروا لنطفكم كما أمرنا الرسول الكريم . الزواج نعمة استغلوها في الخير وحافظوا عليها .. لا تجعلوها نقمة عليكم واتقوا الله في بعضكم البعض .
أريد أن أتزوج . . لأجد اليد الحنونة والكلمة الطيبة والأنس بالله مجسد في هيئة بشر صالح
رزقنا الله جميعا أزواجا صالحين وزوجات صالحات
ودمتم لي

L.G

نقول ولا منقولش

2008-08-15T22:18:00.000-07:00

ح : عملتى ايه فى العريس اللى كان متقدملك؟
ب: طفش خرج ولم يعد فى المره التانيه ههههههههه
ح : ليه ياناصحة عملتى ايه؟
ب : ولا حاجه اول لما اتكلمنا اول مره قالى انه كان نفسه يرتبط بواحده يكون اول حد فى حياتها بس بعد كده تفكيره اتغير وانه مش من حقه يفكر كده واتفقنا ان كل واحد فينا يحاسب التانى من اول ارتباطنا واللى فات محدش ليه دعوه بيه
ح : طيب تمام كده ايه اللى حصل بقى؟
ب: جالى تانى مره وفضلنا نتكلم كويس جدا واذ فجأه لاقيته بيسال هو انتى حبيتى قبل كده ؟
بصراحة السؤال خضنى مكنتش متوقعاه عشان اتفاقنا المره اللى قبلها
ح : شكلك نيلتى الدنيا رديتى قولتى ايه؟
ب: قولتله احنا اتفقنا المره اللى فاتت منكلمش فى اللى فات
ح : وبعدين رده كان ازاى؟
ب : سأل السؤال تانى وانا رديت نفس الرد وتالت ورديت نفس الرد
وبعدين قالى وصلت فهمت
ولاقيت وشه احمر والدم ضرب فى نفوخه واستأذن ومشى وطبعا كنت عارفه انه خرج ولم يعد
ح : غلطانه طبعا غلطانه ازاى تقولى كده
ب: ليه ؟
ح : الفكرة إن الراجل لما يجي يتجوز عايز واحده معرفتش قبله حد كل الرجاله كده
ب: لالالا مش كل الرجاله كده فى رجالة عقلها انضج من كده بكتير وغالبا بيكونوا مش نفسيات
ح : اللي هيقولك غير كده يبقى بيكدب وعايز يبان متحضر
ب: لاء فى رجاله مش كده بجد
ح : عارفه ممكن يتغاضى عن المسأله دى امتى ؟ لما يكون بيحبها قوى بجد وعايزها فعلا
ب:هو لو جواز تقليدى مش هيقبل كده
ح : بيكون عايزها عروسه بالمقاس أي راجل عايز يكون هو الأول في حياه مراته
ب: لو بيحبها ومتفهم ان اللى قبل كده مش يخصه وانه مش ليه انه يحاسبها عليه عمره ماهيفكر كده ولو واثق فى نفسه وعارف انه عنده القدره انه ينسيها اى حد وانه هيكون فى حياتها كل حاجه مش هيفكر كده
ح : ده شعور بيكون غصب عنه الغيره حتى من مجرد الذكرى يعنى مثلا لو واحده إتجوزت واحد وكان متجوز قبلها تفتكري هيبقى جواها غيره من الأولي ولا لأ؟
ب: الاسلوب والمعاملة هو اللى بيوضح ده
ح : ماليش دعوة بالمعامله والأسلوب
ب : معاكى ان الاحساس بيكون موجود بس اللى بياكده او يمحيه الحب بين الطرفين والمعامله بينهم
ح : إحنا بشر يا بنتي وهتحس بالغيرة حتى ولو لبعض الوقت مش كل الوقت
في حاجه هتفضل جواكي غصب عنك إنه كان لواحده تانيه مش إحساس معلن لكنه جواكي
ب: لو بيحبها بجد الاحساس ده مش هيوصل ولو هى بتثق فى حبه ليها وحبها ليه الحساسيات دى مش هتكون موجوده ده غير ان اللى فات من حياته ملكه هو زى اللى فات من حياتها يخصها هى
ح: الراجل وضعه مختلف يعني الراجل يحب يكون الأول في حياه اللي بيحبها هو يكون أول واحد حرك مشاعرها وأول حد قالت له كلمه حب وكده يعني رباها على إيديه لكن الست عايزة تكون هي الأخيره مش مهم تكون الأولي لكن تكون الأخيره
ب : المجتمع هو اللى اده الحق ده للراجل وحرم البنت منه
ح : أنا كنت شايفه الموضوع عملي ايام الجامعه
كان ليا صحبات كتير كانوا بيحبوا وواخدين الموضوع جد
و في شباب كان واخد الموضوع برضه جد واتجوزوا
وفي شباب كان بيتسلي وتبع فكرة إنها زي ما عرفته عرفت غيره النتيجه بقى إنهم مش بيتجوزوا
ب : ده عيب فى تفكيره , ده مش حد سوى
ح : الكارثه بقى إن البنت تقول خلاص هتجوز أي حد طالما مش اتجوزت اللي حبته يبقى مش فارقه
ب: وتعيش حياه كلها ملل وقرف وتبقى بتطلع قرفها وجرحها فى اللى اتجوزته
ح : وهو يروح يتجوز جوازه تقليديه المهم إنها مش تكون مشيت معاه قبل كده وممكن تكون مشيت مع غيره يمكن تكون عرفت حد قبله وعمل فيها زي ما هو عمل
ب: بالظبط كده دايره وبتلف على الكل وينكدوا كلهم على بعض واللى يدفع التمن ولادهم اللى بيجوا بعد كده
ح : بالظبط كده
ب : بس انا شخصيا معنديش استعداد انى ارتبط بواحد ده يكون تفكيره
ح : يابنتى كل الرجاله كده
ب: لاء مش كل الرجاله كده
ح : أي راجل هتروحي تقولي له أنا كنت بحب حد قبل كده مستنيه يقولك ايه؟
ب : مش هقول بس لو سال مش هخبى ولا اكدب
ح : إنتي مش بتكدبي هو شئ مش من حقه
ب : بما انه مش من حقه يبقى برده مش من حقه يزعل

ح: هقولك هو الحب فى مجتمعنا وانك تعرفى حد ده طبيعى؟
ب : ده شعور طبيعى بس مش كل الناس بتتقبل ده بس انا معرفش اغش نفسى
ح : شعور طبيعي وغصب عنك والقلوب بين يدي مقلبها لكن الحاجات دي مش مسموح بها للبنت إحنا مش في أمريكا, مش هتغشى نفسك ولا حاجه معنى إنك ارتبطي بشخص معين ده معناه إن ده نصيبك واللي قبل كده مكنش حب كان أي شئ إلا إنه يكون حب لو حب كان عااااااااش يبقى مفيش داعي تذكريه
ب : مقتنعه بكلامك بس لو سال اكدب ؟ واقوله انت اول واحد واغشه
ح : برضه ده مش كدب لأنك فعلا هتعتبريه أول واحد وهو فعلا أول واحد لأنه نصيبك اللي ربنا كتبه وأي شئ تاني كان أي حاجه إنتي مش بتغشيه لكن بتمنحيه شعور بالأمان
ب : يعنى المفروض انى اعرفه انى قطه مغمضه وعمرى مكلمت راجل قبل كده
ح : بالله عليك لو قلتي لأي حد كده هيقول إيه ؟
ب : هو معنى انى عرفت راجل ان علاقتى بيه مكنتش كويسه هو ليه اى راجل بيخدها بالمعنى ده؟
ح : علشان هما الرجاله كده
ب : انا معرفش اكون كده ومعرفش الحد اللى ارتبط بيه يكون كده فى بنات تقدر تكون كده وتعمل اللى انتى بتقولى عليه ويمثلوا بالشكل ده
ح : بيمثلوا؟ بيمثلوا ليه ؟ مش علشان يبدأوا حياه جديده ويمحوا كل اللي فات
ب : اللى فات يتمحى صح مش غلط يتمحى بصدق وحب
ح: إنت مش هتستفيدي أي شئ لو قلتي إنك كنتي بتحبي
ب : متحاوليش مقدرش اجوز واحد بيفكر كده ده معقد وهيقرفنى فى حياتى بعد كده
ح : مش معقد
ب : لا معقد وشكاك ونفسيه ومش واثق من نفسه
ح : طيب لو واحد قالك عادي واللي فات مات هتضمنى منين إيه جواه؟
ب : هيبان صدقينى هو لو مش فعلا كده هيعمل زى عريس الهنا معمل
ح : ولما يحصل اى موقف ويشك فيكى
ب : لو واثق فى نفسه وعارف انه بحبه وانه عنده القدره انه ينسينى اى حد مش هيفكر كده
ح : كمان مش عايزاه يغير انتى هتتجوزى تلاجه؟ ده حتى يبقى معندوش دم
ب : لاء بس الثقه مهمه
ح : الثقه موجوده وإلا مكنش إتجوزك واختارك وأمنك على اسمه وحياته لكن في مواقف بتخلينا نشك يعنى لو واحد مقطع السمكه وديلها وانت عارفه ده لو لقتيه بيتكلم في التليفون على جنب هتشكي لقتيه بيكلم واحده هتشكي
ب : لو فى ثقه بجد ايه هيخلينى اشك ده تبقى حياه ملهاش حل
ح : هي غيرة عاديه بس ساعتها هيبقى اسمها شك
ب : عشان كده هو لازم يكون انسان سوى
ح : دي غيرة حاجه غصب عنك بس هتتفسر بأنها شك ليه بقى تنكدي على نفسك في الوقت اللي ممكن تمحي ك الماضى وتبدأي من جديد بجد ليه تعيشيه في غيره وشك دايما
ب : معرفش انا عارفه نفسى عارفه اقدر اعمل ايه ومقدرش اعمل ايه انا عايزه حد يكون قريب قوى منى لما اتكلم معاه ميكونش فى اى حواجز ولا اى حاجه اكون خايفه فى يوم انه يعرفها اكون بالنسباله كتاب مفتوح عارف يستوعبنى ويحتوينى كويس الاحساس بالامان انه يكون عارف كل حاجه مش انى مخبيه عنه حاجة
ح : يبقى مفيش غير حل واحد تتحملى النتايج
ب: نتايج ايه انى اجوز واحد واخبى عليه واحس طول عمرى انى ضميرى بيانبنى وانى خدعته
ح شكلها اتجننت خلااااااااااااااااااااص من ب
ب : انا مش بقول انى هروح احكيله من نفسى هو لما بيسأل عشان عايز يطمن حقه انه يرضى او يرفض ولو رفض مش هزعل لانه مش هيكون الحد اللى انا ازعل عليه
ح : لما هتحكي له هتكوني بتحكي عن مشاعر مالكيش حكم عليها لكن هو ممكن يفسر إن الأمور بينكم كان أكبر وخياله هيسرح ليه تحطى نفسك فى موقف زى ده
ب: يبقى مريض ومش طبيعى
ح : طيب ولو رفض انه يتقبل وضع زى ده اللي هيسأله رفضت ليه أو سبتها ليه إنتي ضامنه هيقول إيه ساعتها دي مافيهاش مثاليه إنتي بتحافظي على نفسك وسمعتك فهمتيييييييييييييييييييييييي
ب : انا معنديش استعداد عشان المجمتع والناس انى امثل دور مش دورى انا عايزه حد يكون مرايتى مش حد اخاف منه او اخاف يعرف حاجه عنى
ح
لم تقتنع
ب
لم تقتنع

انتم بقى رايكم ايه؟؟؟؟؟؟؟

**********

RA7EEL

نبأ عااااااااااجل

2008-08-15T08:13:00.000-07:00

إنضمت لعصابه البنات قصدي لكلام البنات

المتميزة رحيل

نرحب بها معنا

وانتظروها قريبا في موضوع

بصراحه موضوع قلق

قلق قلق صحيح :)

الحب .. و أشياء أخرى

2008-06-17T06:12:00.000-07:00

إمبارح منى أحاسيس قالت لي فين موضوع كلام البنات .. الموضوع حمض
ههههههههه
وإل جي كمان صبرت عليا الحقيقه
عارفه إني إتأخرت .. معلش .. سامحوني
عموما أنا جبت لكم مشروبات وساندوتشات كمان
علشان الجلسه يمكن تطول .. وبسرعه ندخل في الموضوع
أنا خرجت من التعليقات بحاجات جميله يالا نشوف
1 .. الحب .. كل إنسان ( رجل أو إمرأه ) يبحث عن الحب .. يبحث عن من يهتم به ويحنو عليه
كل إنسان يتمنى أن يحب وأن يجد الحب من الطرف الآخر ولكن مع عدم التنازل عن ماهيه الطرف الآخر
بمعنى
إن المرأه تريد الحب ومن يهتم بها و..و..ووو ...تريد ذلك من الرجل ولكن مع كونه رجل
والرجل طبعا زي ما قلنا الموضوع اللي فات مش شنبات وصوت عالي
الرجل المفروض إنه حد قوى ولأنه عارف إن الطرف التاني أضعف فبيكون رحيم ..
المرأه عايزة رجل تعتمد عليه سند وضهر زي ما قالوا في التعليقات
صاحب قرار .. ويعرف إمتى يشد وإمتى يرخي
إمتى يكون صارم وإمتى يكون رومانسي
والحاجات دي مش صعبه على الرجل على فكره
لأن ربنا أعلم بنفوس عباده وأكيد كل مؤهل لما خلق له
نيجي للرجل بقى أحسن يقولوا إني عنصريه نياهاها ( ضحكه شريره ) :)
الرجل كمان يريد الحب ومن تهتم به ..و.. و .. و ولكن يريد ذلك من المرأه مع كونها إمرأه
يريد أن يري أمه التي تسامح دائما وتعطي بلا حساب
أن تكون صديقه وزوجه ... حاجه كده زي فيلم إمرأه واحده لا تكفي
ده كمان مش صعب على فكره إن تقوم به المرأه
لأن زي ما قلنا أكيد ربنا خالقنا وعالم بنفوس البشر وكل مؤهل لما خلق له
كده وصلنا لمعادله فيها طرفين وفيها

مدخلات ومخرجات
ما ينفعش طرف هو اللي يعمل ويعطي ويقوم بكل الأدوار .. وطرف يأخذ ويأخذ
كده المعادله مهما طال تفاعلها لازم يجي يوم وتختل والطرفين هيخرجوا خسرانين
كل الكلام اللي قلته وقلناه ممكن يتلخص في ثلاث كلمات
وهم ( السكن والود والرحمه ) زي ما ربنا قال
لو كل واحد حاول يكون السكن للتاني .. وما أدراك ما السكن يعني كده تكون بحريتك وراحتك
حاسس بأمان وسكينه وطمأنينه ..
والود وما أدراك ما الود أعلى كتير من الحب
والرحمه .. يا سلام لما تعيش مع حد عنده رحمه .. حاسس بك لا يثقل عليك ومتفهمك ومحتويك
على فكره .. الود بيكون في السراء والرحمه بتكون في الضراء
الله لو كل واحد وجد في التاني السكن والود والرحمه
كل شئ هيبقى تمااااااام
طولت عليكم .. بس المفاجأه إني لسه مش خلصت هههههههه
اللي تعب يروح ع الثلاجه بس يجيب لي حاجه معاه :)
نيجي بقى لكلام العلماء النفسانيين
بيقولوا إن المرأه تحب عن طريق السمع .. أما الرجل فيحب عن طريق الرؤيا
مش عارفه هل الكلام ده حقيقي ولا في استثناءات
المهم
خدوا بالكم يا بنات بقى في شباب بياكلوا ودن البنات باسطوانات وكده
والبنت يا عيني تصدق .. وفي الآخر قلبها ينكسر
وبهذه المناسبه كتبت لكم الكلمات دي .. اللي عايز يحدف حاجه يحدفها بس بلاش الكراسي
دي عليها أقساط يا جماعه:)
خدي بالك .. :)
هيقول كلام كتير
هيقول إنك ستهم
خدي بالك
حب كتير
وإنت زيك زيهم
هيقول
إنك ملاك
وإنك غيرهم كلهم
وإن مكانك هناك
ملكه على عرشهم
خدي بالك
هيسمعك كتير
وعنيكي بحر كبير
بيغرق وسطهم
هيقول فيهم أمان
وهلاكه في بعدهم
خدي بالك
هيحلم ببيت كبير
وعيال يضمهم
هيقولك بس نفسه
إنك تبقى أمهم

يااااااااااه
هيقول إنك جنته
وإنه مش منهم
وفي قربك فرحته
ماهو في الكدب عمهم
خدي بالك

مممممممم خدي بالك بقى
وعلشان أكون منصفه ففي بنات برضه فظيعه
برضه شغلتها تتسلي بقلوب مخاليق ربنا
المهم عايزة أقول
إن كل طرف له إحتياجات المفروض الطرف التاني يأمنها له ويوفرها له
وبكده تبقى الحياه جميله
يعني يا ريت نحس ببعض ونفهم بعض وبلاش نخدع بعض أو نكون أنانيين في تعاملنا
بلاش نحسس الطرف التاني إننا إشتريناه فنعامله بقسوه
إرحموا من في الأرض يرحمكم من في السماء
حاجه كمان لاحظتها في التعليقات
إن البنات مفيش واحده قالت أنا عايزاه يكون عنده سياره النوع كذا
أو يكون شبه المطرب الفلاني
أو يكون رصيده أمامه أصفار كتير
أصل هتستفيد إيه لو عشت في فيلا فيها كل شئ وركبت عربيه أحدث موديل
وكان جوة قلبك غربه وحزن وألم
فعلا طولت عليكم يالا سلام بقى

الرجل والمرأه .. كيف يرى كلا منهما الآخر؟؟؟

2008-05-31T07:09:00.000-07:00

ملحوظه : ( إيه ده هو في موضوع بيبتدي بملحوظه ؟ :) ما علينا
هذه المدونه شركه تضامنيه متحده بينى (سلوى ) وبين العزيزه جدا

ده أولا
ثانيا : هذه المدونه ليست حكرا عى البنات فقط
هي للجميع .. صحيح إحنا قلبناها قاعده بنانيتي
بس مفيش مشكله
المدونه واسعه وممكن نعمل قاعده ولاليدي ( إيه ولاليدي دي .. ما علينا) المهم المدونه للجميع

وإثباتا لذلك
موضوع اليوم عن الرجل والمرأه تحت الميكرسكوب
أنا بس هقول الفكرة وكلنا هنشارك فيه
يعني إيه ؟
الموضوع باختصار عن
الرجل والمرأه في أعين بعض
أي
كيف ترى المرأه الرجل النموزجي من وجهة نظرها؟؟
وكيف يرى الرجل المرأه النموزجيه من وجهة نظره ؟؟
طبعا كل واحد وله فكره ورأيه ومعتقده
وما أراه نموزجي قد يراه غيرى أقل من العادي

مثلا ده سؤال موجه للبنات من أحد الشباب
هل الفتاه التي خرجت للعمل وتعاملت مع أصناف مختلفه من البشر
ولديها مدونه
هل هذه الفتاه من الممكن أن توافق أن ترتبط بإنسان عادى جدا وبسيط
وحتى ليس عنده مدونه ؟؟؟

كمان في إشاعه بتقول إن الرجل يفضل الفتاه اللي مش بتشغل عقلها
ولا تعمل .. فهل هذا حقيقي؟؟

كمان ده سؤال من أحد المدونين

هى البنت اللي بتخرج وملبسها ومكياجها غير لائق تماما .. ليه بتعمل كده ؟؟

المهم يالا يا بنات اليوم جلسه نميمه ع الرجال
(دا إحنا هنم نم )
ولا بلاش أحسن هما كمان ينموا علينا
يالا الطيب أحسن
عارفين ؟
في مقوله زمان قوى سمعتها
كنت صغيرة قوى لكني لسه فاكراها بتقول

الرجل مش بالصوت العالي والشنبات
إمنعوا الضحك

ههههههههه

فعلا الرجوله معناها حاجات تانيه
مثلا ساعات بنقول على واحده إنها بمية راجل
مع إنها إمرأه
يالا مش هطول عليكم
عايزة كل واحده وكل واحد يقول
كيف يرى الآخر ؟؟؟
ملحوظه : بعد إذن

LG
نجعل الموضوع القادم لتلخيص ما سنتوصل له في التعليقات
وطبعا أنا زيكم بالضبط ستجدون رأيي في التعليقات
سلام بقى .. أروح بسرعه ألحق كرسي

يا ناس يا عسل البوست الجديد وصل

2008-05-14T21:47:00.000-07:00

كلام البنات
مرحبا بكم

فكرت كثيرا لم لا أجد ما أكتبه في كلام البنات .. أتعرفون الاجابة ؟

.
وجدت اجابتي ليست فقط مسألة السن كما أوضحت في موضوع سابق ولكني على المستوى الشخصي لم أعد أتكلم كثيرا ولم أعد ألتقي بصديقاتي فأين الكلام ؟؟؟

.
دائماً وأبدا توصف المرأة بالثرثرة وهي كثرة الكلام فيما لا يفيد .. وكان بعض الناس يصفوني بأني أتكلم كثيراً وخاصة أيام الدراسة الثانوية .. وأخذت أفكر هل بالفعل أتكلم لدرجة الثرثرة ؟ ولكني وجدتني أتكلم عندما تستدعي الحالة ذلك بمعنى
إذا وجدت زميلة في ضائقة وأرى مخرجها منها أتكلم
إذا وجدت فعل منكر من أصدقائي وجب على من الناحية الدينية أن أتكلم وأنهيهم عنه
إذا وجدت من يبحث عن معلومة وأعرفها بالقطع أحاول مساعدته وأتكلم
إذا وجدت من يتعرض للظلم ولا يستطيع الدفاع عن نفسه هنا أيضا أدافع عنه وأتكلم
وجدت أنه بما أن الله أتاني القدرة على التوضيح والشرح والتمكن اللغوي واللفظي والمعنوي لأساعد بأن أتكلم فواجبي تجاه تلك النعم أن أصونها بأن أساعد.... بأن أتكلم
..........
فيما مضى من حياتي كنت أتكلم كثيراً لأني أعرف كثيرا خاصة مقارنة بأترابي ولكني الآن لم أعد أتكلم لأني وجدت الناس لا يستمعون ولا يستطيعون أحياناً أن يستفيدوا من نصائح الآخرين وخبراتهم السابقة وكأنهم لا يريدون اصلاح حياتهم
لذا لم أعد أتكلم

.............
كذلك توقفت خبراتي في الحياة وتجمدت لم أعد أذهب للعمل ولا لحلقات دراسية ولا أختلط بالناس .... لذا لم أعد أتكلم
وجدتني بعدت كثيرا عن صديقاتي وحتى لو حاولنا أن نلتقي لم يعد بيننا شئ مشترك
لذا لم أعد أتكلم
وجدتني فاقدة القدرة على الحلم ويكبلني الواقع ... لذا لم أعد أتكلم
فقدت الأمل في الاصلاح ووهنت قواي ولا أجد لي من يؤازرني أو يرافقني في الحياة ... لذا لم أعد أتكلم
.

.
لماذا أكتب ذلك الآن لأني على موعد مع صديقة لي في وقت من الأوقات كنا نتناقش في كل شئ كانت زميلة في العمل وصديقة وتتناغم عقولنا في التفكير مع الفارق في السن بيننا ولكننا لم نلتقي منذ سنة وثلاثة شهور .. نعم سنة وثلاثة شهور

...........
عندما تحدثنا بالهاتف وطلبت مني أن نلتقي وجدتني أشعر بغربة شديدة وكأنها ليست صديقتي ولا أعرفها .. نعم كنا على اتصال بالهاتف كل شهر أو شهرين لأن ظروف الحياة معها كانت تحول دون لقائنا ولكني أجد بما أنها استطاعت أن تحيا بدون صداقتي لمدة تزيد عن العام إذن تلك الصداقة لا تمثل لها أو لي من الأهمية القدر الكبير

..........
شعرت وكأني أنافقها في ضحكاتي لأني في أعماقي أعلم أني
لا أريد أن أتكلم
فقط لا أريد

..........

أعدكم وعد حرة أن أتكلم كلام بنات مبهج المرة الجاية

انتظرونا على العيد كده :)

تحديث

هذا أهم ما كنت رمي اليه من هذا الموضوع

هو ده اللي كان نفسي أنبه عليه ان الصداقة وجميع العلاقات الانسانية لابد أن تروى من وقت لآخر حتى لا تموت أو تمرض

بنوته ثلاثينيه

2008-04-12T07:16:00.000-07:00

البنوتات الثلاثينيات بيقولوا إنهن كبيرات
وبقوا عنوسات (إيه عنوسات دي ؟ .. مش مهم مشوها كده علشان الوزن والقافيه )
طيب يا أحلى بنات
تعالوا نتكلم بموضوعيه
أي بنت ..وصلت للثلاثين ولم تتزوج .. لماذا؟
أي بنت .شوفوا أي بنت بيتقدم لها عرسان
بس ليه في واحدة بتتزوج بدري وواحده بتوصل وتعدي الثلاثين
بدون زواج
إيه الفرق ؟ كلهم بنات يا جماعه يبقى إيه السبب
في أسباب كثير الحقيقه .. كل واحده تجيب كوبايه شاي أو نسكافيه
أو أي شئ وتيجي .. هنقعد قاعده بنانيتي ههههههههه
البنت اللي وصلت أوعدت التلاتين بتتميز بإيه؟
البنت دي بتكون دماغ يا جماعه
بجد دماغ
غالبا بتكون زكيه جدا
وبتفكر وتحلل وبتفصص الأمور (غالبا النوع ده بيجيب حساسيه لبعض الرجال )
المهم البنت دي
لما يجيلها عريس .. بتبتدي تشوفه بوجهة نظر تانيه
يعني مش بتشوفه مجرد عريس والسلام .. لأ
هى بتكون عارفه نفسها وقدرها وبالتالي بتكون عارفه
هي عايزة إيه بالضبط
وبالتالي اللي بتجد إنه مش مناسب لها بترفضه
وبتفضل ترفض وفجأه وصلت للثلاثين والأربعين
أما البنت التانيه الواعيه مافكرتش كتير
أهو عريس وجوازة والسلام .. ده بيكون رأيها
وأهلها طبعا بيتكفلوا إنهم يختاروا لها من يتوسمون فيه الخير
وتبتدي الحياه بحلوها ومرها
نرجع للبنوتات الثلاثينيات
بترفض ليه؟
أولا الزواج رزق مثله مثل أي شئ تاني
وبالتالي لازم نؤمن كده
إن الرزق اللي ربنا باعته لك مفيش مخلوق هياخده
واللي مش مكتوب لك
مش هيوصلك مهما عملت
وياريت الناس كمان تفهم كده وتبطل تتحشر في اللي ملهاش فيه
يعني لو شخص مكتوب لها .. مهما رفضت هيكون لها
تبقى المسأله قدريه بحته
كل واحد ربنا كاتب له شئ .. هو إيه ؟ هيجي إمتى؟
طيب هيجي إزاي؟
مش شغلنا
والزواج بالذات من قبل ما تتولدي مكتوب هتكوني زوجه لمين وإمتى
يبقى مش لازم نشغل بالنا بالموضوع ده كتير
كمان عايزة أقولك كلمه للمستقبل
قبل ما تيجي ترفض إعرفي إن مفيش شئ في الدنيا مضمون

المهم إننا عايشين
يبقى لازم نعيش صح على أد ما نقدر
من الآخر
يا ثلاثينيه
ياريت تكوني بتشتغلي أو عندك بيزنس صغير خاص بك
ليه ؟
مش علشان الإستقلاليه والكلام الكبير ده
لكن علشان يكون لك دور في الحياه
يكون لك فايده
بصمه تتركيها بعد كده

وعلشان مش تحتاجي حاجه من حد
فاليد العليا خير من اليد السفلي
سمعاكي بتقولي .. هو الشغل بالسهل؟
لأ طبعا مش سهل خصوصا لما تكوني عايزه شغل مناسب لك
بس هقولك حاولي وابحثى وربنا هيوفقك
لأن ربنا بيساعد اللي بيساعد نفسه

سمعاكي تاني .. الله هو إنت غلباويه ليه
آه نسيت إن السمه الأساسيه هي الدماغ
ماشي يا ستي
بتقولي إيه ؟ الأهل مش موافقين ع الشغل ويقولوا إنك مش محتاجه له
الله .. أمال دماع إيه بقى وإنت مش عارفه تقنعيهم
ما علينا .. أوعى تزعلى أنا بهزر معاكي
هو حد قال إنك بتشتغلي لأنك محتاجه
ثم إنت الآن ربنا يخلي والديكي مش محتاجه .. طيب بعد كده لا قدر الله وبقيت لوحدك .. هتعملي إيه
فهميهم إنك لما تبتدي الطريق وهما معاكي بيساعدوكي وبيساندوكي
أفضل ألف مرة من إنك تبتدي وإنت لوحدك

المهم يا عزيزتي
طالما إنت عايشه .. يبقى عيشي صح
وافتكري دايما إن مفيش إنسان أخد كل حاجه
فيه اللي لم يتزوج ونفسه يتزوج
واللي تزوج وعايش تعيس
واللي تزوج ولم ينجب .. ونفسه يكون له أولاد
واللي عنده أولاد .. ونفسه يكون أصحاء
واللي عنده أولاد وفقد أحدهم ( لا قدر الله)
واللي عنده أولاد أصحاء .. ويتمنى يكون عنده مال علشان يربيهم كويس
واللي عنده أولاد ومال ومعندوش عمر يكمل معاهم
واللي عنده أولاد وعمر .. وفضل معاهم لحد ما ذاق منهم العقوق
واللي .. واللي .. ياااااااااه
الأرزاق دي ربنا مقسمها كيف يشاء
ياسلام لو رضينا
وتأكدنا إن مانحن فيه هو الأفضل لنا
عن نفسي
أنا كده أفضل والحمد لله
قلتي إيه؟
الحمد لله
طيب من فضلك قوليها وإنتي قلبك مبتسم
الحمد لله

المقاطعة

2008-04-09T17:10:00.000-07:00

كلام بنات

كلام ولاد

كلام أطفال وشيوخ

المقاطعة

كن ذا كرامة وعزة

مسلم أنت أو مسيحي

عربي

قاطع منتجات هولندا وثقافتهم

من 10 ابريل الى 25 ابريل

قاطع بعزة وكن ذو عزيمة

لا تتهاون حتى في بسكوت بربع جنيه

اقرأ بلد المنشأ على أي سلعة

قاطع قاطع قاطع

online

2008-04-07T15:24:00.000-07:00

بوست على السريع

ولأول مرة في مدونة البنات أظبط 2 على الخط معايا

الحق امسك مين هناك

هربوا يا جماعة

بنات ؟ هم فين

2008-03-17T13:58:00.000-07:00

من أول ما سلوى اقترحت حكاية مدونة البنات دي سألت نفسي بنات ؟؟ هم فين البنات أكيد في الحضانة بس وابتدائي على أقصى تقدير لحد الجامعة واستوووب

بعد كده دول عجائز مش بنات حتى شعرنا بيبيض من العشرينات

بجد أود أن أتنحى أو سلوى تغيرها لكلام عجائز ساعتها حكتب كل يوم

معنديش حاجة أاقولها بجد وهم فين البنات أغلب من أعرفهم أصحاب وعائلة كل الناس متجوزة مفيش بنات اللهم الا أحفاد أحفاد العائلة لو اعتبرناهم بنات كلامي معاهم هوا

ختي ايه في المدرسة يا حبيبتي ؟ اديني ماما بسرعة عشان كارت التليفون حيخلص

ما علينا

آخر مرة كنت ماشية على البحر مع صديقة لي هي طبعا أم وكنا في حالة توقف عن الصداقة حتى وصل أولادها لسن الحضانة عشان نعرف نمشي زي البني أدمين

مشينا على البحر وشفت خير اللهم اجعله خير

البنات حزينة قوي لدرجة ان حتى لو بنت لوحدها قاعدة على البحر تشكيله همها البنات فاض بيها والوحدة قاتلاهم وطبعا غلابة زيي آخرهم يقعدوا على البحر

قلت لصديقتي تعالي نبل رجلينا في البحر قالتلي ازاي والرملة قلت لها بس تعالي وبالفعل قلعت الكوتشي والشراب مع اني خنشورة وبليت رجليا في البحر وخير اللهم اجعله خير

لقيت أمة لا اله الا الله من البنات هوا ما صدقوا شافوني وهب كله حط رجله في المياه والولاد على السور بيتفرجوا قلتلها شفت البنات ومشينا

مرة صديقة أخري بعد صلاة العيد عملت كده وأختها بلت رجلها معايا ومن رآنا فعل بالمثل من البنات طبعا صديقتي يومها حذرتني وقالتلي من سن سنة سيئة

لا اله الا الله

وطب والاكتئاب يا ناس أعمل فيه ايه ياترى فعلا ده ذنب أبل رجلي في البحر والبنات دول آخد ذنبهم كمان ده حتى الشواطئ بفلوس الشواطئ المعفنة طبعا بس في الشتا والحمد لله على العاصفة الأخيرة من يومها مشي الراجل بتاع التذاكر وبقيت بروح أبل رجلي ببلاش حد قدي يعني

لي صديقة من القاهرة بتقولي مش لاقيه عريس ازاي مش بتمشي على البحر .. عجبا هما العرسان بييجوا من البحر لا شكرا وضحكت وقلت هل وجدت زوجك على النيل ؟؟

طبعا حدث ولا حرج عن البنات على البحر مع الأولاد ولا مشهد من مشاهد الأفلام ..فاهميني طبعا

أساسي عندي أجيب زلط وأحدف اللي قاعدين بين الصخور ومرة من غيظي لأنه في وضح النهار قمت مزعقة في الولد والبنت وقلتلهم اتقوا الله .. طبعا ضحكوا عليا وصاحبتي كانت خايفة يردوا عليا

دلوقتي أحيانا بكتفي بالزغر الشديد

كلمة حق دايما الولاد بيتكسفوا والبنت منتهى البجاحة

مرة واحد صياد سمعني مستاءة وأنا أتحدث مع صديقتي قالي متزعليش وراح نزل وقف جنب الولد والبنت وشاورلي انه حيقرفهم

مرة واحد معصعص شال واحدة قد الفيل قدامي أنا وصاحبتي ولف بيها قال ايه بيحبها .. طبعا بيستعرض ورقص وكانه فريد أستير _ مش اسمه كده؟

المهم على البحر طوف وشوف واتفرج

أما عني

البحر مدي بصري ممتد كامتداد أحزاني ..عميق كعمقها.. متقلب ..كلما سكبت فيه دموعي ابتلعها ولم يخبر عنها أحد

البنات

الله يكون في عون البنات

هم فين البنات

والله مرة شفت بنت عمالة تعيط وصاحبتها بتطبطب عليها كتبتلها الدعاء ده واديتهولها زي ما صاحبتي ادتهولي مرة

اللهم يا ملين الحديد يا مسهل كل شديد يا من هو كل يوم في أمر جديد أخرجني من حلق الضيق الى أوسع الطريق بك أدفع ما لا أطيق ولا حول ولا قوة إلا بالله العلي العظيم

امضاء

بنت عجوز

أم الحور

2008-02-25T17:11:00.001-08:00

ذهبت لمعرض الكتاب ولفت ناظري كتاب مزين بورود شكل الغلاف جميل

وبعد أن اشتريت حاجياتي وجدت صاحبة القسم تقول لي أنها ترشح لي هذا الكتاب

الكتاب اسمه " كلماتي لفتاتي " وهو كلمات أم لإبنتها وهي تنصح به لمن عندها بنات أو أخت صغيرة

ما لفت نظري كذلك أن الكاتبة امضاؤها أم الحور ولكن للأسف لم أتذكر اسمها

ياه هي تعتبر بناتها كحور الجنة ما أجمل الكنية وتساءلت هل تراني والدتي كحور الجنة ؟

لم أشتر الكتاب لأني كنت قد أنفقت ما معي وليس لي بنات ولا أخوات صغيرات

ولكن هل الأمهات تحترف الحوار مع بناتها هل هناك بيننا كلام ؟ عن نفسي ليس هناك حوار بيني وبين أمي نهائياً حتى أني أعتقد أن أكثر شئ يكسرني على مر السنين علاقتي بأمي لأني أحاول دائماً أن أحصل علي استحسانها لي وحتى الآن لم أوفق

الموضوع ده كبير قوي

وصراحة لا أحب الدخول في حياتي الشخصية على المدونات ولكن هل تتكلم الأمهات مع بناتها وإن كنت افتقدت ذلك مع أمك وأصبحت أم أنت أو ستصبحين هل فكرت في تدارك أخطاء أبويك مع أولادك هل فكرت أن تفتحي مجال للحوار لا للتعليمات

لو تعلم الأمهات والآباء أهميتهم وتأثيرهم البالغ في حياة الأبناء لفكروا جيداً

الناس في مصر بتخدم أولادها ولا تربيهم لا يفكروا لا يوزنوا أمورهم قبل التحرك لم ؟؟؟

لا أنكر على أمي شئ وأعلم أن كل أب وأم يحاول قدر استطاعته أن يفعل الصواب ولكن هل نقرأ الكتب التي توجهنا لذاك الصواب خاصة الأجيال الحديثة هل نفعل ؟

هل تراني أمي حورية ؟؟ لا أعتقد

أنتظر الزميلة أبي وفتح باب المشاكل الأسرية :))

لست صغيرة السن ولو كان سياق حياتي طبيعي كان من الممكن أن أكون أم لأولاد حاليا ولكن مازلت أحتاج الحوار مع أمي أرحب بكلمة حنان واحدة منها أفتقدها في التعبير عن مشاعري

كلام البنات

هل كلام البنات مع الأمهات ؟؟ مع الصديقات ؟؟ مع من ؟

من يراك من الحور

هذا ما يؤلمني

أكتب في المدونات لأنها عالم الكتروني وهمي افتراضي لأن عالمي الواقعي انتهى منذ فترة طويلة

دمتم لي

كيف تثبت ذاتك .. ؟

2008-02-14T10:03:00.000-08:00

جلست أمامي .. فتاه رقيقه حديثه التخرج .. كلها أمل .. وأخذنا نتحدث
هي : من وقت ما اتخرجت وأنا بدور على شغل
أنا : ليه ؟ هو أنت دفعت كام ؟
هي : 2007
أنا : طيب .. خلي نفسك طويل .. وبعدين مش تستني وترتاحي شويه من المذاكرة والامتحانات؟
هي : لأ .. أنا عايزه أثبت ذاتي .. وتكون لي شخصيتي
كان هذا ملخص بسيط للحديث بيننا .. وما يهمني فيه .. هي الجمله الأخيرة
( أنا عايزه أثبت ذاتي .. وتكون لي شخصيتي )
جمله تتكرر كثيرا جدا في الأفلام والمسلسلات حيث تقف الزوجه تصرخ في الزوج وتقولها
طيب .. هل صحيح أن العمل هو من يكون للمرأة شخصيتها ويساعدها على إثبات ذاتها ؟
سؤال سأطرح من خلاله وجهة نظري .. وأنتظر تعليقاتكم وآرائكم أيضا
في رأيي ان إثبات الذات وتكوين الشخصيه يأتي من الإنسان نفسه .. من داخله
ولا يحتاج الأمر لمساعده خارجيه
يعني مش معقول أن العمل فقط هو ما سيمنحني شخصيتي وأثبت من خلاله ذاتي
وإلا كانت كل إمرأه لا تعمل بلا شخصيه .. ليس لها دور .. أي أنها تعيش مهمشه في الحياه
وهذا غير صحيح
فكم من إمرأه ريفيه بسيطه لا تنطق إلا بالحكمه ويؤخذ رأيها في كل الأمور
وكم من إمرأه عامله .. لا تستطيع أن تأخذ أي قرار ولو بسيط
إيه يا سلوى .. إنت عايزه الست ترجع تقعد في البيت ولا تعمل ؟
لأ طبعا .. ..
بس عارفين إني في وقت ما ( من زمان وأنا صغيرة )كنت بقول
ليه المرأه تشتغل وتتعب نفسها .. الرجل هو اللي لازم يشتغل
وياعيني يخرج في الحر والبرد
والست تقعد كده في البيت ملكه .. واللي تطلبه يجيلها من غير تعب
بس لما الواحد بيكبر ويتعلم ويقرأ أفكارة بتتغير
تأملوا معي هذه الآيه

إنا عرضنا الأمانة على السموات والأرض والجبال فأبين أن يحملنها وأشفقن منها

وحملها الانسان إنه كان ظلوماً جهولا"صدق الله العظيم

..
الأمانه .. كلف بها الإنسان .. وكلمه إنسان تشمل الرجل والمرأه
لكل واحد دور في الحياه .. كل إنسان مخلوق لحكمه ما ولعمل خاص به
كل إنسان مميز بشئ لا يوجد في الآخرين
وحديثنا بالتحديد عن المرأه
تتعلم .. وتحصل على الشهادات .. تقرأ .. وتتثقف .. كل هذا يثقل عقلها ويكون شخصيتها
يصبح لها فكر يحترمه الآخرين .. ووجهة نظر تطغى على آراء أخرى
جميل .. وبعدين .. تعمل إيه ؟ تقعد في البيت
لأ .. لأنها حامله للأمانه مثلها مثل الرجل .. فيجب أن تبحث عن دورها في الحياه .. تبحث عن العمل الذي تفيد به اللآخرين
وتساعدهم بعلمها .. تحاول أن تكون لها بصمه في الحياه .. تتركها بعد أن تموت ..
تحاول أن تكون على قدر الأمانه
إذا أنا لا أعترض على عمل المرأه .. ولكن أعترض على أسباب عمل المرأه ..
هل تعمل لتثبت ذاتها وشخصيتها ؟ أم تعمل لأنها حامله للأمانه ويجب أن يكون لها دور في الحياه ؟
نقطه أخرى هامه وهي
ماذا لو تزوجت المرأه ( عقبال عندكم يا بنات ) وأصبح لديها أولاد
هنا أعتقد أننا نحتاج وقفه .. لأن هناك أولويات
هنا دور أساسي للمرأه .. وهو تربيه أولادها ومنحهم الحنان والأمان بوجودها بجوارهم
إنه دور هام جدا .. ورغم ذلك نجد بعض الأمهات تتمسك بعملها وتذهب برضيعها إلى إحدى دور

رعايه الأطفال
وعند عودتها من العمل تأخذه وتذهب للبيت .. قد تفعل ذلك لحبها وتمسكها بالعمل ..
وقد تفعل ذلك بسبب الحاله الإقتصاديه
بصراحه الأولاد في كل الأحول هتعيش وتكبر .. يتساوى في ذلك من كانت أمه بجواره ..
ومن كانت أمه بعيده عنه
ولكن سيكون هناك فرق كبير في التربيه بلا شك
بعض النساء تنجح في الجمع بين العمل .. وبيتها .. ولكن أكيد سيكون ذلك على حساب صحتها
وبعض النساء تفضل أن تبقى بجانب أطفالها في الفترة التي يكونوا فيها ضعاف وبحاجه للأم بجانبهم
فإذا ما كبروا .. وتأسسوا صح وأصبحوا أولاد صالحين .. عادت للعمل
وبعض النساء .. تفضل العمل .. وتهمل أطفالها .. والنتيجه كلكم تعرفوها
في النهايه أريد أن أقول
للمرأه دور في الحياه ..خلقها الله من أجله .. فيجب أن تبحث عنه .. وتبدع فيه .. وأثناء قيامها بذلك
يجب أن تعلم .. أنها تفعل ذلك لأنها حامله للأمانه .. لا لأن تثبت ذاتها بين الناس
تنويه :

أشكر عزيزتي إل جي على تصحيحها للآيه الكريمه حيث أني كتبت الموضوع وذكرت الآيه

ولم أراجعه

والنت فصل عندي بعدها فتره طويله

فقامت إل جي بتصحيحها

شكرا عزيزتي

بنت حالمة

2008-02-07T18:22:00.001-08:00

بحلم ويحلالي

بحلم وأنا مالي

اللي حيحصل ايه

راضي أنا بحالي

راضي وبعيش حالي

من غير ما أفكر فيه

واللي قدرت عليه

اللي قدرت عليه

يكفي ويحلالي يكفى ويحلالي

بحلم وحلمي بسيط

مش كتر مال ولا سيط

بحلم أكون نفسي

يسمع غنايا الطير

يغني غنوة خير للدنيا ولنفسي

بحلم وحلمي عنيد

لكن نصيب أكيد لازم حيوصلني

مادمت أنا وياه وف قلبي نبض حياة

أكيد يوصلني

واللي قدرت عليه

هو ده يا بنات اللي قدرت عليه اغنية يمكن تفرحني شوية وتديني أمل

أيوة عانس

2008-01-23T14:55:00.000-08:00

بسم الله الرحمن الرحيم

مبدئياً ايه رأيكم في الصورة ممتازة صح بجد منتهى التناغم مع العنوان مكنتش متوقعة ألاقي حاجة أجمل من كده

ليه بنهرب من كلمة عانس بالنسبة لي عادي والله لأنها صفة فيا وحشة آه لكن مش بإيديا يعني زي ما نقول معاق زي ما نقول فقير حاجات مش بايدينا عشان كده بقول أيوة عانس

ايه اللي خلاني أكتب وأقول كده طبعا الوحدة طبعا الحزن طبعا مش لاقية حاجة أعملها وعايزة أخرج من احساس الفشل ده

لا أعرف لماذا ولكن تنبأت باحساس العنس ده من زمان ولو أن أمي نفت ذلك على اعتبار أننا في العائلة نتزوج صغار السن نعم كل العائلة تتزوج صغيرة جدا 18 الى 21 ولكن في أسرتي توقف بنا الزمان لا أدري لماذا أحياناً أضحك مع أمي وأقول لها الطويلة اتجوزت والقصيرة اتجوزت التخينة اتجوزت والرفيعة والذكية وحتى الغبية والمؤدبة وقليلة الأدب المتدينة وغير المتدنية يبقى العيب فين ياماما ؟ ولأني أحزن لحزن أمي لم أعد أتكلم في هذا الموضوع لست أدري لم أبكي الآن ؟ أعرف بنات فضليات أفضل مني ومكافحين ويستحقون خيراً مني وهم مثلي أيوة عوانس

على فكرة تعريف العنوسة من تأخر بها سن الزواج

عارفين مشكلتي في ايه مش في الجواز وخلاص لأ اتربيت يتيمة بدون أب أو أخ وأخوالي وأعمامي يقطنون مدن أخري ولا أعرف من الرجال غير أزواج خالاتي وتوفى حديثاً أقرب زوج خالة لي كنت أتمنى أن يفرح يوماً معي وقال في آخر لقاء معه وهو مريض سأحضر فرحك حتى لو حملوني اليك

ولكنه توفى

كنت دائماً اظل قوية وأقول لنفسي غداً في يوم ما سيرزقني الله من يعوضني والدي يكون لي والد وأخ وزوج ولكن بدأت مقاومتي تضعف كلما بعد الأمل

نعم كنت أستطيع أن أتزوج من رجال أفاضل طيبين ولكن لم يصادفني شخص أتكامل معه من هي مثلي لا تستطيع أن تتزوج فقط من أجل الزواج شخص لا تتناغم معه لأني ليس لي أخ ولا أب ولا أستطيع أن أحيا حياة مزيفة بدون مشاعر نعم البنات تزوجت ولكن القليل منهن من تزوجت عن اقتناع

والدتي ترى أن البنت عليها أن تتنازل وأي جوازة وخلاص المهم أن يكون لها بيت وزوج وأولاد ولكني أحب أولادي وأتمنى أن يكون والدهم رجل صالح وشجاع ويدافع عن الحق وله هيبة وعليه سكينة

مع أن العمر يمر والأصدقاء والأقارب يمضون بحياتهم الى الأمام وتخلفت أنا للخلف بعيداً وحدي ولكني حتى الآن لا أستطيع أن أتزوج وخلاص

إن لم أحب زوجي فمن أحب ؟ من سيعوضني حنان الرجل الذي ما عرفته الا الندر اليسير في حياتي من ؟

في تعليقه على موضوع بنت حزينة قال لي الربان

كم من فتاه تزوجت...و تعيش مقهورة مكسورة في حياتها

نعم وأوافقه ولقد عشت أغلب حياتي حزينة ولا أستطيع أن أكملها على هذا المنوال منظومة الزواج عندي بنيان يشد بعضه بعضا يعني أقوى بزوجي أصبح أكثر مناعة أجد شخص يؤنس وحدتي يوقيني عند مرضي يفرح لفرحي ويحزن لحزني يحزن لفراقي

ألاقي حد ورايا يدفني لما أموت حد يدافع عني ظهر أتسند عليه حد يخاف عليا مش أخاف منه

الناس بتقول اني بتبطر وأتدلع مين في البنات مش عاوزة تتجوز مين بس فيه بنات مش عايزة شكل اجتماعي وخلاص لأ عايزة مودة وسكن ورحمة

خيري رمضان مرة قال ردا على إحدى مراسلاته قائلاً لها أن الحياة مش راجل وبس

إذ وحيدا الرجل مؤنس للمرأةاً ما هي الحياة هو مخطئ تماماً الحياة رجل للمرأة ومرأة للرجل يكتمل كل منهما بالآخر هل يعيش هو

نعم أحياناً يعوضنا بعض الشئ العمل أو النجاح في مستوى آخر وبالطبع يعوضنا أولاد الإخوة ولكن هل يغني ذلك عن أن يكون لك أولاد من صلبك

العنس ابتلاء والبطالة عن العمل ابتلاء وفقد الأحباء ابتلاء ولكن عندما تجتمع على الانسان الابتلاءات يهلك يضعف عن نفسي أعتقد أن الزوج الصالح من أعظم نعم الدنيا الرفيق شئ مهم جداً لأنه معه تقتسم باقي محن الحياة فتهون وتخف وطأتها وتصمد بالمشاركة وتمر وتستطيع أن تكمل

ولكن ان كنت وحدك كسرتك أضعف المحن واهتززت لأقل العواصف شدة

سامحوني أعرف أنها جرعة حزيــــنــــة ولكن

لما لا فأنا عـــــــانــــــس

معذرة لا للتعليقات فقد سمعتها جميعاً من قبل

حققي حلمك

2008-01-13T08:49:00.000-08:00

حققي حلمك بإيديك

كل الأحلام في ايديك

فجر الأمل جواكي

ينطق بحب الحياة

جمالك بسمة رقيقة

حلمك يصبح حقيقة

يالا حبي الحياة

اعلان فير أند لفلي ولو اني مبحبوش بس كلمات الاعلان جميلة

الكلمات مهداة

لغادة عبد العال مدونة عايزة أتجوز

http://wanna-b-a-bride.blogspot.com/

لنشر أول كتاب لها

بنت حزينة

2008-01-08T07:12:00.000-08:00

أعلم طال الغياب عنكم أعرف

ولكن أين البنات لست منهم ليس بعد كل تلك السنين

كلما تحدثت لنفسي وسألتها ماهو كلام البنات ردت علىّ قائلة لأنك مازلت غير متزوجة تحسبين نفسك من البنات ؟

لا لست من البنات البنات عمر غض ثغر ضاحك عين تنظر للأمام أين أنت من ذلك ؟

نعم أين أنا من ذلك ؟ أنا عمر طويل وثغر حزين وعين دامعة تنظر لأسفل على استحياء

فهل أنا من البنات ؟

إذا افترضنا جدلا أني مازلت من البنات لمجرد أني لست متزوجة سأتناول قصة الحزن في حياتي منذ الصغر حتى الآن والحزن والوحدة عندي وجهان لعملة واحدة لا يفترقان فأينما تكمن الوحدة تجد الحزن معها

منذ صغري كنت أعامل من زملائي بالمدرسة في بداية العام الدراسي بشكل غريب فكانوا يستقصوني من لعبهم ويتركوني وحيدة وقصر فهم ابنة 6 أعوام عن الفهم وحتى الآن لم أفهم لم كنت أتلقى تلك المعاملة وتمر الأيام ولا ينقذني الا تفوقي الدراسي وانبهار المدرسين بي وحبهم الشديد لي ووصلت بسلام للمرحلة الاعدادية وحدث نفس السيناريو حتى أثبت التفوق السريع وتقرب المدرسين لي ولكني كنت أستأنس بصديقتي الثانية على الفصل بعض الشئ ولكني كنت دائماً أشعر أني وحدي على القمة نعم وحدي .. ولا أستطيع أن أهبط للقاعدة فلا يستقبلني الناس ويقولوا مكانك هناك وحدك على القمة ما جاء بك معنا

ومرت الأيام وكانت أسعد سنوات حياتي الثانوية العامة كنا نخبة المتميزين معاً ولو أني بأفكاري كنت دائماً وحيدة وكانوا المدرسين هم أصدقائي ومرت السنون ودخلت الجامعة وامتنعت عن القراءة لأجد لي أصدقاء وامتنعت عن الكلام الكبير عشان الناس تسمعني ولكن كنت أعشق العلم وأحب الأفكار وكنت وحيدة لا أحد يشاركني أحلامي أفكاري قراءاتي هواياتي دائماً وحيدة

لي صديقة جاءت معي متحف ووجدتها مرهقة فقلت لها ألا تستمتعين قالت بصراحة لا لقد جئت معك اكراما لصداقتنا فقط لا أحب أن أحمل أصدقائي ما لا يطيقون

دائماً وحدي حتى في رحلة أسوان كنت وحدي أتجول بالمعابد وحدي أسمع قصص الفراعنة وحدي أقرأ وحدي أشرب من النيل ليس هناك من البنات من لها أفكاري ليس هناك منهن من لها جرأتي في التحرك ولو أني لا أفعل أي شئ يغضب الله أو يخرج عن الأصول ولكنه دائماً يخرج عن المألوف والمعتاد من البنات اللائي يمشين بجوار الحائط على طول الخط

وكنت بالعمل دائماً وحيدة أفكاري تسبق بسنين الآخرين وكان يشق على مديرتي أن تجدني أسبقها في اللغة والتواصل مع الأجانب وفهم الحاسب وغيرها من الأمور مما جعل لي أعداء كثر في كل مكان وأصدقاء كثر ولكن ليس بيدهم حيلة كنت أقول كلمة الحق وحدي ولا يساندني حتى أصدقائي بالعمل الا القليل كنت أحب أن أطور من العمل وأجد استعلاءاً من البعض كيف لموظفة مبتدئة ترى مالا نراه

حتى بالمنزل كنت دائماً وحيدة عندما أرى التلفاز ما أراه لا يستسيغه الآخرين حتى في الخروج أماكن المرح عندي غير عائلتي تماماً فإني غير كل البنات أكره الأسواق وأكره الشراء الا الكتب طبعا أحب أن أذهب للندوات وقصور الثقافة وطبعا مهما بلغت محبتي في القلوب لا أجد لي رفيق في تلك الأماكن

انت بنت عيب تروحي مقابر كوم الشقافة لوحدك حته وحشة ... دي منطقة أثرية برضه عيب

نفسي ألف محافظات مصر .. عيب

حد يجي معايا دار الأوبرا فيه عمر خيرت ..ماليش في الموسيقى

وأنا ماليش في السينما .. ماليش في المولات .. ماليش في الاكسسوار ولا في الماكياج

انت مش زي البنات ليه ؟

صحيح أنا مش زي البنات ليه ؟

خلاص لما تتجوزي روحي مع جوزك

طب اذا ربنا مأردش حفضل كده متحركش من البيت ؟

حتى أصحابي المتجوزين مفيش راجل فيهم أبدا يفكر ياخد مراته ويروح بيها الفيوم يقضوا يومين مفيش الراجل الشرقي زي البنت الشرقية رافض أفكاري

ولكن لا تحزنوا من أجلي فقد فارقتني الوحدة وأخذت معها الحزن

لأني .. وجدت الله

فمن وجد الله فماذا فقد ومن فقد الله فماذا وجد !!!؟

الإنسان

2007-12-15T06:18:00.000-08:00

كيفكم شباب ؟
عارفين؟
عندما فكرت في مدونه كلام بنات ... لم يكن الغرض الهجوم على الرجل
وبصراحه .. المرحله دي بالنسبه لي انتهت من زمان
أصلي كنت بنت متمرده حبتين او تلاته
حتى اني عملت جمعيه نسائيه وأنا في ابتدائي
ومنشورات بقى وحركات ... والراجل ده ملوش لازمه .. والراجل مستبد .. وحاجات من دي
المهم الحمد لله انها كانت في مرحله الطفوله والمراهقه .. بدل ما كان يجيلي مراهقه متأخرة
وأمشي في الشارع عامله رامبو مثلا ...هههههه
بس لما كبرت ... قلت ايه العبط ده
وبقى عندي قناعه ... ان ربنا مش بيفضل مخلوق على مخلوق .. غير بعمله
يعني كوني بنت هذا لا ينتقص مني أي شئ
وليس لأن هذا رجل .. يكن أفضل مني
أصبحت مقتنعه .. ان في حاجه اسمها انسان ... الانسان ده ممكن يكون رجل أو امرأه
تأملت حولي .. فوجدت اسرة الست فيها لا يستطيع زوجها أو أحد أبنائها أن يكح في وجهها
كلامها ماشي ع الجميع . صح أو غلط ما تفرقش
ووجدت أسرة .. الرجل فيها سي السيد على حق ... بيخافوا يقولوا له صباح الخير
سألت .. هو لازم حد يكون متسلط على التاني
قالوا .. أيوة .. المركب اللي فيها ريسين تغرق
طيب ليه ريسين ؟
المفروض ان الزوج والزوجه من نفس واحده .. يعني كيان واحد
يعني مش مهم مين يأخذ القرار ... المهم ان القرار يكون صح
مرة عندي ... مرة عنده ... وكده
بدون عند أو تعسف .. أو شعور بالقهر
أعتقد أن الانسان الواثق من نفسه .. معاملته لازم تكون كده
بس المشكله ان في موروثات كتير .. زرعت في رؤسنا .. أن الرجل أفضل
لكن الحقيقه ... ان المرأه ممكن تكون أفضل ... وممكن الرجل هو اللي يكون أفضل
بيحكم قانون الأفضليه ... عمل وتعامل كل واحد وما في قلبه من تقوى وايمان ... مش بيدخل في قانون

الأفضليه النوع
لكن بسبب الموروثات دي ... أصبحت بعض الرجال تتعامل بتسلط .. وبعض النساء تتعامل وبداخلها

شعور من النقص
تلك النقطه بالتحديد هي ما كان من أجلها عملنا المدونه
حتى نضع موروثات جديده
مثلا ... أرى أن المرأه قويه جدا من الداخل .. تلك القوى مغلفه بضعف
والرجل بداخله ضعف .. مغلف من الخارج بقوة
لذا يحب الرجل الضعف في المرأه ... وتنجذب المرأه للقوة في الرجل
سبحان الله ... كما الميزان
أريد أن أصل الى أن طبيعه المرأه ليس فيها انتقاص
وكذلك طبيعه الرجل
وهذا ما أريد طرحه مستقبلا ان شاء الله
أريد أن نحب أنفسنا كما هي .. ونرضى بها
وبدلا من أن نبحث عن جوانب السلبيه
نبحث عن الجوانب الايجابيه
وطبعا رأيكم يهمني جدا ... وأحب أعرفه
بسرعه على التعليقات ... منتظراكم
تحياتي

بنت قوية

2007-12-10T14:02:00.000-08:00

يعني ايه بنت قوية ؟

يعني لو قالت كلمة حق بصوت عالي يعني لو ماخافتش الا من اللي خلقها يعني لو كانت جريئة وشجاعة وتدافع عن الغلبانين يعني لما تقف ضد الظلم

تبقى قوية ومفترية ؟

ليه الناس بتخلط بين الحق والباطل هل قوة الفتاة في الحق ينتقص من أنوثتها على الاطلاق هذا غباء مجتمعي لما بنت تقف تساند بنت تانية أضعف منها تبقى دي قوية ومفترية والتانية رقيقة

مين قال ان الصوت الواطي هو الرقة

مين قال ان الدلع المرق هو الرقة

الراجل

لأ المجتمع الغير واعي

الرقة انها تكون حنونة تكون حساسة تحس بالناس بالظلم تدافع بكل قوتها عن غيرها تتحمل فوق طاقتها

مرة في أتوبيس ست عجوز واقفة والمفروض الشاب التنح اللي قاعد في مقاعد المسنين يقوم ماقامش حزنت عليها قدرتها أمي ولو ان أمي لا تركب الأتوبيس أبداً ويومها حاجة غريبة كان الأتوبيس زحمة قوي لأن غيره عطل وحطوا كل الركاب مع بعض ترددت قليلاً لأنه زحمة لو فاضي بقوم علطول استنيت راجل يحس على دمه مفيش زعلت وقمت عشانها الست ايه ده ايه الأخلاق دي رفضت قالتلي انت بنت حيضايقوكي لو الاتوبيس فاضي كنت قعدت مكانك وأنا أأقولها محدش حيضايقني اقعدي يا أمي وهي تقولي لأ لحد ما راجل كان نازل قام وقالها اتفضلي يا حاجة الناس استغربت ليه بقوم وعيب خليني قاعدة والست الكبيرة مين يقوملها

لو الرجالة حاربت وغضبت وجابت حقنا كان يبقى ده حال البلد بالذمة

في كل مكان أطالب بحقي يقولوا مش رقيقة هي الرقة خضوع هي الرقة استكانة وضعف

أيوة قوية وحفضل قوية

بإسلامي قوية

بديني وأيماني قوية

بعلمي وأخلاقي قوية

أيوة قوية وحفضل بعون الله طول عمري قوية

يا بنتي يا أختي يا زميلة في العيشة ديه

خليك قوية

الرقة في القلب والاحساس بالناس

الجمال مش في الميوعة الجمال في حسن الخلق

القوية في الحق قوية في الحب والرومانسية قوية في الاحساس في كل حاجة

الحياء لا يتعارض مع كلمة الحق

خدي حقك ودافعي عن غيرك واقفي وقفة رجالة

أيوة يا راجل

ويلي منك وويلي عليك

رحم الله والدي وجدي رحم الله كل رجل كان له قوة القلب والعقل والايمان

أيوة

أيوة قوية

بنت ذكية

2007-12-09T03:51:00.000-08:00

كلام بنات ؟
يا تري البنات بتقول ايه ؟ بس يا جماعة من باب الأمانة عندي وجهة نظر

هي مين البنت ؟ في اعتقادي البنت من سن 10 : 20 بس في مصرنا المحروسة فيه

ارتباط وثيق بين كلمة بنت وعذراء ولكن مع التغيرات الاجتماعية لو قلنا بنت يعني عذراء

مش صحيح فيه عذارى تخطوا الستين دلوقتي يعني لو البنت مثلا 25 ولم تتزوج تبقى

بنت لأ هى امرأة شابة أو امرأة صغيرة السن لأن خبرتها بالحياة أصبحت أكبر وأتمت تعليمها وخرجت لمجال العمل

لذا وبناء على ما تم تقديمه معرفتش أكتب ايه لما العزيزة سلوى دعتني للكتابة عن كلام البنات بقالي مدة بعيدة شوية

عن مجتمع الجامعة وخلافه ولكن طرأ على فكري شئ طالما زهقني وزعلني من الرجالة والستات وكل الناس

عارفين ايه ؟؟

الجميع يفضلونها غبية

كان فيه فيلم لمارلين مونرو اسمه كده وتصوروا في رأيي عندها حق 100 % ليه ؟ أأقولكم تعالوا معايا نشوف في

المدرسة مكدبش المدرسين كانوا بيشجعوا ذكائي جداً وصدقتهم وقعدت أأقرأ وأكتب وأسأل وكنت دودة قراية وبعدين

بدأت أكبر

في البيت محدش عايزني أبقى ذكية واضح ان عشان انت الصغير مينفعش تفهم أكتر من الكبير بس في نفس الوقت

مش بتسكت وبتقول رأيك لدرجة اللي حواليك يقولوا ياريتك كنت غبي شوية

وكبرت حبة كمان ورحت الجامعة ياه زمايلنا الصبيان حد فهمهم غلط إن البنت مش زي الولد مع ان سعاد حسني

غنت لصلاح جاهين وقالت البنت زي الولد ماهيش كمالة عدد

بس لأ مينفعش في الرحلات زمايلنا الولاد قارفنا ومش فاهمين حاجة وطبعا البنت الأذكي دي الأفضل نحسبها ولد

زميلنا ماشي وماله حتى عشان محدش يضايقني

وبعدين رحت الشغل ياااه محكيلكوش بأه يا بنات ياساتر يا رب نار جهنم واتفتحت عليّ ازاي الموظفة البنت تفهم

عن المدير الراجل والأوحش تفهم عن المدير الست ليلتك مش فايته

الكل عايز البنت غبية عشان يعمل عليها ذكي هو وعشان موقع سلطته ميتهزش صحيح ازاي مدير أحمق حيمشي

موظف ذكي على عجين ميلخبطوش طبعا حيلخبطه

ونسيب الشغل بأه ونيجي للطامة الكبري جالك عريس يعني ايه دماغه مش عاليه حنجيبلك واحد تفصيل ؟ يعني ايه

ذكاؤه وأفقه محدود ؟ ده دلع بنات والبطران سكته قطران واسمعي وشيلي في قلبك ولا حد حاسس بيكي .

الحل ايه ما قولتلك يا بنتي الجميع يفضلونها غبية لكن اذا كنت ربنا امتحنك بالذكاء فاصبري وصابري وربنا ان

شاء الله يجعل لك من كل ضيق فرج

يعني الأصحاب مقدور عليهم الزملاء في الشغل متتكلميش معاهم ولا تصلحي أخطاءهم والشغل يبوظ مش مشكلة

صدقيني أحسن ميت مرة ما توجهي حد

المدير والمديرة سياسة لا أسمع لا أرى لا أتكلم

ماما وبابا وكبار العيلة سكتم بكتم لحد ما يطلبوا رأيك متتبرعيش بالرأي اوعي أحسن يقولوا انت يا بنت امبارح

حتعرفي أحسن من كبار العيلة

الجواز قدماك طريقين ما فيش غيرهم

تاخدي أي عريس ومتفكريش كتير وتعملي معاه زي بابا أو تستني فرج ربنا وتدعي ربنا يبعتلك واحد زيك مبتلى

بالذكاء شوفي تقدري على ايه واعمليه

على فكرة فيه ناس حتطلعك غلطانة مهما عملت أصل اسلوبك أصل طريقة أصل ألفاظك والله لو وقفت على

طراطيف صوابعك مش حيعجب صدقيني لازم اللي قدامك يكون عنده ثقة بنفسه وحتى لو في موضوع مش ذكي

مش مهم يعني انت مش ذكية في كل حاجة ولا انت عارفة كل حاجة بس هما عايزينك تحت طوعهم وخلاص مع ان

زمن الجواري راح وانقضى وكل شئ فيه خلاص مضى وعجبي

طبعا بطلي قراية

ممنوع دخول الرجال

2007-12-05T08:04:00.000-08:00

إيه يا عم

إنت يا أستاذ

يا حضرة

على فين؟

المدونه اسمها

كــــلام البنــــات

يعني ممنوع دخول الرجال

خلونا نشم نفسنا بقى

أقولكم ... اتفضلوا

ماهو الرجل هو الأب والأخ والزوج

ونصف كلام البنات عليكم

المهم اللي يجي .. أديكم شايفين .. المدونه جديده وعليها كومبيالات ..

يعني يجيب معاه .. عداد زوار شيك

ساعه آخر صيحه .. وكده

ملحوظه هامه جدا جدا جدا

إل جي بتعلق صندوق على باب المدونه .. على إيدك اليمين وإنت داخل

الصندوق ده للرشاوي .. قصدي تبرعات ..

يعني كل واحد وهو داخل يحط في الصندوق اللي يقدر عليه

ماذا وإلا ... هنعمل بوستات جامده عن الرجاله

عموما أنتم أحرار بقى

نتكلم جد بقى

المدونه دي لكلام البنات

يا ترى البنات بتتكلم في إيه ؟

ده اللي إن شاء الله هنعرفه

في الموضوعات القادمه

طبعا المدونه مفتوحه للجنسين

الموضوعات سيقدمها بإذن الله معي

الأخت L.G

انتظرونا